நடுவர் தீர்ப்பு (மனிதநேயம்)

மாஷா அல்லாஹ். மனிதநேயத்தைப் பத்தி விலாவாரியா விளாசித் தள்ளிட்டாங்க இரண்டுபேரும். இப்ப தீர்ப்பு சொல்லணும். 

பொதுவாப் பார்த்தீங்கன்னா இன்னைக்கு மனிதநேயம் முற்றிலும் மாய்ந்துவிட்டதா என்றால் இல்லை. சமீபத்தில் நடந்த சில சம்பவங்கள் நம்மை மெய்சிலிர்க்க வைக்கின்றன.

மனிதநேயம் வீழ்கிறதே- இரண்டாம் சுற்று

                  - உஸ்தாத் முஹம்மது ஷாஃபிஈ வாஹிதி

ஆகஸ்ட் 19 ம் தேதி மனித நேயம் தினம் அனுசரிக்கப்படுதுன்னு சொன்னாங்க. மனித நேயம் குறைஞ்சி போச்சி அத கொஞ்சமாக வளர்த்துக்கோங்க அப்டின்னு சொல்றதுக்காகத்தான் அந்த தினமே அனுசரிக்கப்படுது என்பதை உஸ்தாது அவர்கள் புரிந்து கொள்ள வேண்டும்.

அடுத்து சுனாமியைப் பத்தி சொன்னாங்க.

மனிதநேயம் வாழ்கிறது - இரண்டாம் சுற்று

                   - உஸ்தாத் காதிர் மீரான் மஸ்லஹி

இங்கு எனக்கு முன்னால் பேசிய உஸ்தாத் ஷாபி அவர்கள் மனிதநேயம் வீழ்ந்துவிட்டது என்றும் அநியாங்கள் மலிந்து விட்டது என்றும் மிகுந்த வேதனையோடு கூறினார். இந்த வேதனை படும் பண்பு மனிதநேயமுள்ளவருக்கு தான் இருக்குமே தவிர இல்லாதவருக்கு இருக்காது.

நடுவர் தொகுப்புரை-2

சும்மா வெளுத்து வாங்கிட்டார் நம்ம உஸ்தாத் ஷாஃபி. இன்று மனிதநேயமில்லாத மருத்துவர்கள் பெருகிவிட்டனர் என்றார். சமீபத்தில் படித்த ஒரு விஷயம். நமக்கு ஏதாவது வியாதின்னு மருத்துவர்ட்ட போனா அவர் மருந்து எழுதித் தருவார். அதை வாங்கிக் கொண்டு அவருக்கு காசு கொடுக்கவேண்டும். அப்பத்தான் அவர் பொழைக்க முடியும்; அந்த சீட்டை எடுத்துகிட்டு மெடிக்கல் போனா அவங்க மருந்து தருவாங்க. அதை வாங்கிக்கொண்டு அவங்களுக்கு காசு கொடுக்கணும் அப்பத்தான் அவங்க பொழைக்க முடியும்; வாங்குன அந்த மருந்தை... குப்பையில வீசணும். அப்பத்தான் நாம பொழைக்க முடியும். இது காமெடிக்காக சொல்லப்பட்டாலும் பல நேரங்களில் இதுதான் நிதர்சனம்.

இரண்டாம் சுற்று

இப்ப மறுபடியும் “மனித நேயம் வாழ்கிறதே” என்று ஆணித்தரமாய் ஆதாரங்களை அடுக்க வருகிறார் உஸ்தாத் காதிர் மீரான் மஸ்லஹி.

மனித நேயம் வீழ்கிறதே- 1

                          - உஸ்தாத் முஹம்மது ஷாஃபிஈ வாஹிதி

அளவற்ற அருளாளன் நிகரற்ற அன்புடையோன் அல்லாஹ்வின் திருநாமத்தால் தொடங்குகிறேன்.அன்பான மின்னல் fm நேயர்களே ! ஆரம்பமாக ஈகைத்திருநாள் வாழ்த்துக்களை உங்களுடன் பகிர்ந்து கொள்வதில் ஆனந்தம் அடைகிறேன். 

இன்றைய நவீன காலத்தில் மனித நேயம் வாழ்கிறதா? வீழ்கிறதா? என்ற அருமையான தலைப்பில் இங்கே   பட்டிமன்றம் அறங்கேறிக் கொண்டிருக்கிறது.

இன்றைய கால கட்டத்தில் மனித நேயம் அதிகம் வீழ்ந்து கொண்டு தான் இருக்கிறது என்ற கருத்தை மையப்படுத்தி ஒரு சில தகவல்களை உங்களது சிந்தனையில் பதிய வைக்க விரும்புகிறேன்.

நடுவர் தொகுப்புரை-1

அடேங்கப்பா..அஞ்சு நிமிஷத்துல சும்மா அட்டகாசமா அடுக்கிட்டுப் போயிருக்காரு.

மலேசியா விமானம் “mh370” மாயமாய் மறைந்தபோது மதவேறுபாடின்றி எல்லா மக்களும் பிரார்த்தித்தோமே.. இது மனிதநேயம் இல்லையா?.. கேட்டாரு. உண்மைதான். ஏன்னா இன்னைக்கு சிலபேர் எப்படி இருக்காங்க தெரியுமா?

ஒரு ஊருல ஒரு பண்ணையார் ஹெலிகாப்டர் வாங்கினார். அந்த ஊரு மக்கள்லாம் அந்த ஹெலிகாப்டரில் ஏறிப் பயணிக்க ஆசைப்பட்டாங்க.

மனித நேயம் வாழ்கிறது-1

                           -உஸ்தாத் காதிர் மீரான் மஸ்லஹி 

ஆரம்பமாக மின்னல் F.M நேயர்களாகிய உங்கள் அனைவருக்கும் ஈகை திருநாள் வாழ்த்துக்களை தெரிவித்து கொள்வதில் மிகவும் மகிழ்சியடைகிறேன்.

இந்த உலகத்தில் மனித நேயம் வாழ்கிறதா.... அல்லது வீழ்கிறதா என்றால் வாழ்கிறது என்பது தான் உண்மையான தெளிந்த சிந்தனையுடைய ஒரு பதிலாக இருக்கிறது.

மனித நேயம் வாழ்கிறதா? வீழ்கிறதா?- நடுவர் முன்னுரை

பிஸ்மில்லாஹிர்ரஹ்மானிர்ரஹீம்

அல்ஹம்து லில்லாஹ். நஹ்மதுஹு வநுசல்லி அலா ரசூலிஹில் கரீம் அம்மா பஃது.

இந்நிகழ்ச்சியை அவதானித்துக் கொண்டிருக்கும் அன்பு நேயர்களே!

யாருக்கும் இன்னல் தராத மின்னல் FM நேயர்களே! மனித நேயர்களே!!

ஈதுல் பித்ர் ஈகைத் திருநாள் நல்வாழ்த்துக்கள்!

இன்று ஒரு அருமையான பட்டிமன்றம் அரங்கேறிக் கொண்டிருக்கிறது. மனித நேயம் வாழ்கிறதா? வீழ்கிறதா?

மனிதநேயம் என்றால் என்ன?

இனிய இல்லறத்திற்கு இடையூறாக இருப்பது உறவினர்களே!- பட்டிமன்றம்

நடுவரவர்களே!
ஒரு காலம் இருந்தது. அந்த காலத்திலே மனிதன் இலைகளையும், தழைகளையும் உண்டு வந்தான். ஆனால் காலத்தினுடைய சூழல்ச்சியின் காரணமாக பல அருசுவையான உணவுகளை உண்டு மகிழ்ச்சியாக வாழ்ந்து கொண்டிருக்கிறான்.
அதுபோன்று ஒரு காலம் இருந்தது மனிதன் இலைகளையும், தழைகளையும் ஆடைகளாக அணிந்து வாழ்ந்து கொண்டு இருந்தான். பிறகு ஒரு காலம், இப்ப இருக்கிறது. நாகரீக உடையிலே உடையணிந்து அழகாக காட்சி தரக்கூடிய நிலையிலே நாம் வாழ்ந்து கொண்டிருக்கிறோம்.

இனிய இல்லறத்திற்கு இடையூறாக இருப்பது மனைவியே!- பட்டிமன்றம்

கண்ணியத்திற்கும் மரியாதைக்கும் உரித்தான  நடுவரவர்களே! இங்கு இருக்கிற மக்களிடம் கேட்டாலே எல்லோரும் சொல்லி விடுவார்கள்..

இனிய இல்லறத்திற்கு இடையூறாக இருப்பது யாரென்று கேட்டு பாருங்க எல்லேரும் சொல்கிற பதில் 
மனைவியே!
நபிகள் பெருமானார் (ஸல்) அவர்கள் சொல்கிறார்கள். மனைவி மாறு செய்வாள் என்று சொல்கிறார்கள். நரகத்திலே அதிகமான பெண்களை கண்டேன். எதற்காக  என்று கேட்கிற போது பெருமானார் சொன்னார்கள்.
தக்ஸூர்னல் லஃன வதக்ஃபுரினல் அஷீர
கணவனுக்கு மாறு செய்கிற காரணத்தினாலும், அதிகம் சாபமிடுவதினாலும் நரகத்திலே கண்டேன். இந்த நிலை எல்லா குடும்பத்திலேயும் இருக்கிறது என்ற முதல் குற்றச்சாட்டை இம்மன்றத்திலே நான் பதிவு செய்கிறேன்.
எதைச் சொன்னாலும் மாற்றிப் பேசுவது, மாறாக  நடப்பது, நான் இப்படித்தான் செய்வேன் என்று சொல்வது 
வரலாற்றிலே கூட ஒரு கதை சொல்வார்களே!

இனிய இல்லறத்திற்கு இடையூறாக இருப்பது கணவனே!.

இனிய இல்லறத்திற்கு இடையூறாக இருப்பது ............கணவனே!.

என்ற ஆய்வுக்காக அழைக்கப்பட்டு உள்ளேன்.

மனைவியின் புறத்திலே எத்தனை குறைபாடுகள் இருந்தாலும், எத்தனை குற்றச்சாட்டுகள் மனைவியின் புறத்திலே இருந்தாலும் கூட அந்த குற்றங்கள் உருவாக காரணம் யார்? எத்தனை குற்றச்சாட்டு வேண்டுமானாலும் சாட்டலாம். ஆனால் அந்த குற்றங்கள் உருவாக அடிப்படை அசல் காரணம் கணவன் தான்.

மனிதநேயம் வாழ்கிறதா? வீழ்கிறதா? -6

வீழ்கிறதே! 

வாழ்த்த வாயும் வணங்க தலையும்

தாழ்த்த நெஞ்சமும் தந்த எல்லாம் வல்ல இறையை சிந்தையில் வைத்து துவக்குகின்றேன்.

கண்ணுக்கு மை அழகு கவிதைக்கு பொய் அழகு.

அவரைக்கு பூ அழகு. இந்த அவைக்கு அவைத்தலைவரான  நடுவர்  தான் அழகு.

இன்றைய சூழ்நிலையில் மனிதநேயம் வாழ்கிறதா? வீழ்கிறதா?

மனிதநேயம் வாழ்கிறதா? வீழ்கிறதா?-5

வாழ்கிறதே!

நடுவர் அவர்களே! உங்களை எல்லோருமே புகழ்ந்து 'ஐஸ்' வைத்தார்கள். எனக்கும் தங்களை புகழ ஆசை தான் ஆனால் அதற்கான வார்த்தை இல்லாத ஏழையாகி விட்டேன்.

நீதியை பற்றி என்னிடம் ஒரு கவிதை எழுதச்  சொன்னால் தாங்களுடைய பெயரைத் தான் எழுதுவேன் 

நடுவராக அமர்ந்திருக்கும் நீதியே!

மனிதநேயம் வாழ்கிறதா? வீழ்கிறதா?-4

வீழ்கிறதே!

இவ்வவைக்கு சுவையாக  வீற்றிருந்து எங்களின் சத்திய கருத்துக்களை  கேட்டறிந்து  எதிர் அணியினர்  மீது தோல்வியை விட்டெறிந்து நியாயமாக நீதியாக மனிதநேயம் வீழ்கிறதே... வீழ்கிறதே... வீழ்கிறதே..

என்று தீர்ப்பு  வழங்குவதற்காக காத்திருக்கும் நெல்லை ஈன்றெடுத்த வாடா முல்லை நடுவர் அவர்களே...!

     

நடுவர் அவர்களே, ஒருவனுக்கு  தன் குடும்பத்திற்குள் ஏற்படுகிற பாசம் இருக்கிறதே அது இரத்தம் சம்பந்தப்பட்ட ஒர் உறவு.

மனித நேயம் வாழ்கிறதா? வீழ்கிறதா?-2

வாழ்கிறதே!

மனித நேயம் காக்க வந்த நாநபி (ஸல்) அவர்களின் வாரிசான நடுவர் அவர்களே. 
சத்தியம் பேச வந்த என் அணியினரான தின்குலத்தின் வீரர்களே வீரதிப்புவின்  பரம்பரைகளே வான்மறையின் நெஞ்சங்களே வீர வாழ்வு கண்ட சிங்கங்களே, நாலுந் தெரிஞ்ச தங்கங்களே மேலும் நாலு விஷயம் தெரிந்த தங்கங்களே.
என் எதிரணியில் பேச வந்திருக்கும் என்  சிநேகித சிநேகிதிகளே  மேலும் இன்றைய உலகில் மனித நேயம் வாழ்கிறதே! வாழ்கிறதே!வாழ்கிறதே! என்ற நடுவரின் நன்றான இறுதியான தீர்ப்பை காது குளிரை கேட்கவந்திருக்கும்.
கல்பில் நிறைந்த கண்மனி நாயகம்(ஸல்) அவர்களின் பாக்கியம் நிறைந்த உம்மத்துகளே,  உங்கள் அனைவருக்கும் என் இதயம் கனிந்த ஸலாமை தெரிவித்துக் கொள்கிறேன்.
அஸ்ஸலாமு அலைக்கும் (வரஹ்)
அன்பார்ந்து நடுவர் அவர்களே  மனிதநேயம் வாழ்கிறது என்பதற்கு ஆதாரம் தேடி வெளியே போக வேண்டிய அவசியம் இல்லை.

மனித நேயம் வாழ்கிறதா? வீழ்கிறதா?-1

இன்றைய உலகில் மனித நேயம் வாழ்கிறதா? வீழ்கிறதா?
வீழ்கிறதே..!

கண்ணியத்திற்குரிய நடுவர் அவர்களே! மனித நேயம் வீழ்கிறது என்ற தங்களின் தீர்ப்புக்கே வலுசேர்க்க வந்துள்ளேன்.

டிவியால் அதிகம் விளைவது நன்மையா? நாசமா? தீர்ப்பு

இப்போது ஆறு மாணவர்களும் அருமையாக பேசி முடித்துவிட்டார்கள். தீர்ப்பு சொல்ல  வேண்டும்.
என்ன தீர்ப்பு சொல்வது?
நன்மையும்தான் நாசமும்தான் இரண்டுமே உண்டுதான் என்று சொன்னால் .... என்னை செருப்பக் கழட்டி அடிக்க வருவீங்க  ''ஏண்டா.. இதுக்கா  இத்தனை மணி நேரம் பொறுமையா உட்கார்ந்திருந்தோம் என்று பொங்கி  விடுவீர்கள் ''யாருடா இப்படி ஒரு தீர்ப்பை எழுதித் தந்தது'' என்று எங்க ஆசியருக்கும் திட்டு விழும் .
அதுக்காக இந்த வழக்கின் தீர்ப்பை வருகிற பத்தாம் தேதிக்கு ஒத்தி வைக்கிறேன்னு சொல்ல முடியுமா ?
நான் ஒத்தி வச்சா நீங்கல்லாம் சேர்ந்து என்னை மொத்தி எடுத்து விடுவீங்க
அதுனால நல்ல தீர்ப்பை சொல்லாம என்னால நழுவ முடியாது . சரி தீர்ப்புக்கு வருவோம்.
இந்த தரப்பில் பேசும்போது என்ன சொன்னார்கள் :
'சொல்வதெல்லாம் உண்மை' என்ற நிகழ்ச்ச்சியில் எத்தனையோ குடும்ப பிரச்சினைகளை தீர்க்கிறார்கள் பிரிந்து கிடக்கிற குடும்பங்களை சேர்த்து வைக்கிறார்கள்'' என்றார்கள்
ஆனால் இந்த அணி என்ன சொல்கிறது? ''ஒற்றுமையாய் இருந்த எத்தனையோ குடும்பங்கள் நாடகங்களால் நாசமடைந்ததும் உண்டா இல்லையா'' என்று இவர்கள் கேட்கிறார்கள். அதையும் நாம் மறுக்க முடியாது.

உதாரணமாக , வேலை செய்து அலுத்து மனமும் உடலும் கலைத்து வரும் கணவருக்கு சேர்ந்தாற்போல ஒரு பத்து நிமிடம் அருகில் அமர்ந்து இன்று எந்த மனைவியாவது உணவு பரிமாறுவதைப் பார்க்க முடியுமா?
நாடகம் தொடங்கும் முன் தட்டு வரும்  அடுத்த விளம்பர இடைவேளையில் சாதம் ; அதற்கடுத்த இடைவேளையில் சாம்பார்.
இப்படி இடைவேளைகளில் பரிமாறி பரிமாறி கணவனுக்கும் மனைவிக்கும் இடையே பெரிய இடைவெளியையே ஏற்படுத்தி விடுகின்றன இந்த டிவி நிகழ்ச்சிகள் 

பஸ்ஸில் படிக்கட்டில் தொங்கிக் கொண்டு பயணம் செய்யும் இளவட்டங்களை பார்த்து சில பெரியவர்கள் ''தம்பி.. உள்ளே இடம் கிடக்கும்போது ஏன் இவ்வளவு ரிஸ்க் எடுத்து தொங்கிக்கிட்டு வரணும் என்று சொன்னா,  ''யோவ் பெருசு.. ரிஸ்க் எடுக்கிறதெல்லாம் எங்களுக்கு ரஸ்க் சாப்பிடுற மாதிரின்னு சொல்லிட்டு கெக்கபிக்கன்னு ஒரு கேவலமான  சிரிப்பு வேற. இதெல்லாம் யாரு கத்துக் கொடுத்தா? சினிமா இல்லையா ?

மதிக்கவேண்டிய பெரியவர்களை மதிப்பதில்லை மரியாதை தரவேண்டிய ஆசிரியர்களுக்கு மரியாதை இல்லை இதன் பின்னணியில் இந்த சினிமாக்கள் இல்லன்னு மறுக்க முடியுமா

அட அதை விடுங்க ..
இந்த வாண்டுங்க என்னமா வயாடுதுக? வகுப்பிற்கு அறுவையான ஆசிரியர் யாராவது வந்து விட்டால் உடனே ஒரு கமென்ட்: வந்துட்டான்யா .. வந்துட்டான்யா 
இதெல்லாம் என்கிருந்து  கற்றுக் கொண்டார்கள் பாழாப்போன சினிமா விலிருந்து தானே?

அதற்காக தொலைக் காட்சியினால் ஒரு பயனும் இல்லைன்னு அடியோடு ஒதுக்கவில்லை அங்கொன்றும் இங்கொன்றுமாக சில நல்ல நிகழ்ச்ச்சிகளும் உண்டு

• செய்திகளை உடனுக்குடன் இருபத்து நான்கு மணி நேரமும் தெரிந்து கொள்கிறோம் 
• டிஸ்கவரி போன்ற சேனல்களில் அதிசய விலங்குகள் பறவைகளின் செயல்பாடுகளிக் கண்டு அல்லாஹ்வின் ஆற்றலை வியக்குகிறோம்.
• சமையல் குறிப்புகள், அருமையான அலசல்கள், சூடான விவாதங்கள் சுவையான தகவல்கள்.

 இப்படி சில நன்மைகளும் உண்டு நாம் மறுக்கவில்லை ஆனால இவை எல்லாம் குவிந்து கிடக்கும் குப்பைகளுக்கு மத்தியில் சில குண்டுமணிகளைப்  போல.
ஆனால் டிவியால் ஏற்படும் பாதகங்களை பட்டியல போட பக்கங்கள் போதாது;  நாசங்களைக் கூற நாவு போதாது; கேடுகளை எடுத்துச் சொல்ல ஏடுகள் போதாது .

• மாணவச் செல்வங்களுக்கு கடுமையான மறதியை  உண்டாக்கிவிட்டது.
• அவர்களின் மன வளர்ச்ச்சியை மங்கச் செய்து சுறுசுறுப்பில்லாத சோம்பேறியாக்கிவிட்டது 
• குடும்ப உறவுகளை குலைத்துவிட்டது 
• மான மரியாதை, நல்லொழுக்கம் இறை பக்தி இவைகளுக்கு இதயத்தில் இடமே இல்லாமல் செய்துவிட்டது. 
• பெற்றோரை எதிர்த்து அன்னியனோடு ஓடிப் போய் குடும்பக் கவுரவத்தை காற்றில் பறக்கவிடுவதை சாதனையாக காட்டுகிறது டிவி.
• படிக்கும் பருவத்திலேயே பாய் பிரன்ட் கேள் பிரான்ட் வைத்துக்கொள்கிற அசிங்கத்தை அழகாகக் காட்டுகிறது 
• கல்வி கற்க வேண்டிய வயதில் கலவியை காமத்தைக் கற்றுத் தருகிறது.

இப்படி ஏராளமான அபாயங்களை அடுக்கிக் கொண்டே போனால் அதன் முடிவாக வருவது டிவியால் அதிகம் விளைவது நாசமே நாசமே என்று தீர்ப்பளித்து இந்த பட்டிமன்றத்தை நிறைவு செய்கிறேன்  

டிவியால் அதிகம் விளைவது நன்மையா? நாசமா?- நடுவர் முன்னுரை

பசிக்கின்ற மனிதனுக்கு ருசிக்கின்ற உணவளித்து ரசிக்கின்ற இறைவா.. உனக்கே புகழனைத்தும்.
வஞ்சி மரக்கிளைகளை தென்றல் கொஞ்சித் தாலாட்டும் காலமெல்லாம் வள்ளல் நபி சல்லல்லாஹு அலைஹி வசல்லம் அவர்களின் மீதும் நபி வழி நடந்திட்ட நற்றவத் தோழர்கள் மீதும் வாஞ்சை மிக்க  வலிமார்கள் மீதும் இங்கு கூடி இருக்கிற நம் அனைவர் மீதும் அல்லாஹ்வின் அருளும் அன்பும் உண்டாவதாக.. ஆமீன்

இந்த பட்டிமன்றத்தின் தலைப்பு டிவியால் அதிகம் விளைவது நன்மையா நாசமா ?

இதுபோன்ற தலைப்பில் பட்டிமன்றம் நடத்துவது காலத்தின் கட்டாயம். காரணம், இந்த கடைசிக் காலத்தில் நடைபெற்றுக் கொண்டிருக்கும் கலாச்சார சீரழிவுகளும் அனாச்ச்சார பேரழிவுகளும் கொஞ்சமல்ல நெஞ்சமல்ல
இந்த சீரழிவின் பின்னணியில் டிவி செல்போன் போன்ற நவீன கருவிகளுக்கு பெரும் பாங்கு இருப்பதை பரவலாகவே பார்க்கிறோம் .
ஒரு பக்கம் அதீத அறிவியல் முன்னேற்றத்தால் அற்புதமான கருவிகள் கண்டுபிடிக்கப்பட்டு அநேக பலன்கள் கிடைத்துக் கொண்டிருப்பதும் உண்மை. ஆனால், மறு பக்கம் நவீன கருவிகளால் நாசம் ஏற்பட்டுக் கொண்டிருப்பதும் மறுக்க முடியாத உண்மை.
அதிவிரைவான வாகனங்கள் டெலிபோன் செல்போன் கரண்ட் அடுப்பு கம்ப்யூட்டர் இன்டெர்நெட், ஈயத்தட்டு ஈமெயில் கொசுமெயில் இப்படி ஏராளமான் கண்டுபிடிப்புகள் வந்து ஒரு பக்கம் நன்மையைத் தந்து கொண்டிருந்தாலும் மறு பக்கம் நாசத்தை ஏற்படுத்திக்கொண்டிருப்பதையும் கண்கூடாகப் பார்க்கிறோம்.
இவற்றில் எது அதிகம் ? நன்மையா? நாசமா? இதுதான் இங்கு தலைப்பு.
அதிலும் குறிப்பாக சினிமா என்ற சின்னத் திரையும் சீரியல் என்ற வண்ணத் திரையும் சீரழிவைத் தருகிறதா? சீர்திருத்தத்தை தருகிறதா? என்று பேசப் போகிறோம்  டிவியால் நன்மையே என்று பேச மூன்று பேர் முன் வந்துள்ளனர். நாசமே என்று பேச மூன்று பேர் முன்வந்துள்ளனர். முதலி இவர்களை மோதவிடுவோம் பிறகு ஒரு முடிவுக்கு வருவோம்
இப்போது நாசமே என்று பேச நம்ம வீரப் புலி- தவ்பீக் அலி  வருகிறார் .
வாருங்கள் வந்து உங்கள் வார்த்தைகளைத் தாருங்கள்.

வரதட்சணைக்கு பெரிதும் காரணம் பெண்களே-3

நடுவர் அவர்களே! 
ஒரு பெண்ணைக் கட்டிக் கொடுத்தால் அவளுக்கு புகுந்த வீட்டில் ஏற்படும் கொடுமைகளில் ஒன்று நாத்தனார் கொடுமை. இந்த நாசம் பிடித்த நாத்தனார்கள் சுனாமிகளைப் போல் குடும்பத்தை நாசம் செய்து கொண்டிருக்கிறார்கள்.

•  இந்த மாமியார் நாத்தனார் என்ற பெண்களின் கோரப்பிடியில் சிக்கி சீரழியும் பெண்கள் எத்தனை? 
• இவர்களால் ஸ்டவ்கள் வெடித்து பரிதாபமாய் பலியான பெண்கள் எத்தனை? 
• தீக்குளித்த பெண்கள் எத்தனை? 
• விஷம் குடித்த பெண்கள் எத்தனை? 
• தற்கொலை செய்துகொண்ட பெண்கள் எத்தனை? 

இப்படி ஏராளமான மாபாதகங்களை செய்துகொண்டிருப்பவர்கள் இந்த பெண்கள்தான்.

ஒரு வாலிபன் வரதட்சணை வேண்டாம் என்று மறுத்தாலும் அவனைப் பெற்ற தாயும் சகோதரியும் சும்மா விடுவதில்லை. 

இதுல இரட்டை சீர்வரிசைன்னு ஒன்னு இருக்குங்க.. இதை எவதான் கண்டுபிடிச்சாளோ தெரியல.. இரட்டை சீர்வரிசைன்னா என்ன தெரியுமா? 

• அண்டாவானா ரெண்டு; குண்டாவானா ரெண்டு.
• சட்டியானா ரெண்டு பெட்டியானா ரெண்டு. 

இப்படி அண்டா குண்டா எல்லாமே ரெண்டு கொடுத்தா மட்டும் போதாது.அதுக்குள்ள 101 லட்டு வக்காட்டி குத்தம்; குழல் பணியாரம் வக்காட்டி குத்தம்; தேங்காயில ஒன்னு குறைஞ்சால குத்தம். இப்படி சின்ன சின்ன விஷயத்துக்கெல்லாம் குத்தம் கண்டுபிடிச்சு மார்க்கத்திலில்லாத மடமைகளை கடமைகளாக்கி வைத்திருப்பவர்கள் இந்த பெண்கள்தான். 

ஆகவே வரதட்சணை வாங்குவது பெண்களின் மடமை!

அதை வாங்காமலிருப்பது ஆண்களின் கடமை!!

எனவே வாட்டி வதைக்கும் வரதட்சணைக் கொடுமைக்கு பெரிதும் காரணம் பெண்களே! பெண்களே!! என்று உறுதிபடக் கூறி அமர்கிறேன்.

வரதட்சணைக்கு பெரிதும் காரணம் பெண்களே-2

தனிக்காட்டு ராஜாவாக அமர்ந்திருக்கும் சிங்கமே!
மரியாதைக்குரிய நடுவர் அவர்களே!
வரதட்சணை வன் கொடுமைக்கு பெண்கள்தான் காரணம் என்று அடுக்கடுக்கான ஆதாரங்களை எடுத்து சொன்னதற்குப் பிறகும் இந்த வருங்காலக் கிழவிகளுக்கு இன்னுமா புரியவில்லை?
வரதட்சணைக்கு மாத்திரமல்ல.. நடுவர் அவர்களே! உலகில் நடக்கும் அத்தனை தீமைகளுக்கும் இந்த பெண்கள் தான் காரணம். ஆவதும் பெண்ணாலே அழிவதும் பெண்ணாலே என்பார்கள் பெண்களால் ஆகின்றதோ இல்லையோ அழிவுதான் அதிகம் நடந்துகொண்டே இருக்கிறது.

ஆதிமனிதனாம் ஆதம் (அலை) அவர்களுக்கு பிறந்த காபீல் என்பவர் ஹாபீலைக் கொலை செய்தார். உலகில் நடந்த முதல் கொலை யாரால் நடந்தது தெரியுமா? இக்லிமா என்ற பெண்ணால்தான். அதுமட்டுமல்ல பெண்கள் சிறந்தவர்கள் பெண்கள் உயர்ந்தவர்கள் என்று பேசுகிறாங்க பெருசா..
அன்றைய பெண்களின் நிலை என்ன? இன்றைய பெண்களின் நிலை என்ன? அன்று தாய்மார்கள் குழந்தையை தொட்டிலில் போட்டு தாலாட்டும்போது இஸ்லாமிய பாடல்களை பாடினார்கள்.

கண்ணுறங்கு கண்மணியே! கருவில் வந்த கற்கண்டே !!

ஆண்டவன் தந்த அற்புதமே !

அல்லாஹு அக்பர் என்று உறங்கு! 

நீ அண்ணல் நபி ஆசியோடு உறங்கு 

ஆனால் இன்னைக்குள்ள தாய்மாருக்கு தாலாட்டுப் பாடவே தெரியல.. அப்படியே பாடினாலும் என்ன தெரியுமா பாடுறாங்க..

''ஒய் திஸ் கொலைவெறி கொலைவெறி கொலைவெறி டி
ஒய் திஸ் கொலைவெறி கொலைவெறி கொலைவெறி டி ''
(இந்த இடத்தில் வேறு ஏதாவது பாடலை சேர்த்துக் கொண்டாலும் சரியே)

இந்தமாதிரி பாலாய்ப்போன சினிமாப் பாடலைப் பாடி பாடி குழந்தைகளைக் கெடுத்து சமுதாயத்தையும் கெடுத்துக் கொண்டிருக்கிறார்கள் இந்த பெண்கள்.

நடுவர் அவர்களே! நோகாம நொங்கு திங்குறதுன்னா என்ன தெரியுமா? சொல்றேன் கேளுங்க.. தன் பையனுக்கு மாத்திரம் நகையும் நட்டும் காசு பணத்தையும் அதிகமாக வாங்கி மருமகள் கொண்டு வந்ததையெல்லாம் தன் மகளுக்கு போட்டு கல்யாணம் பண்ணி வைக்கிற லேட்டஸ்டு கலாச்சாரம்தான் நோகாம நொங்கு திங்குறது.

ஆதியிலே வந்தவன் வீதியிலே போனானாம்.. நேத்து வந்தவன் நெய்யூத்தி தின்னானாம். அந்த கதையாவுல இருக்கு?
ஒரு பொம்பள தன் மகனுக்கு பொண்ணு பார்க்க போயி 150 பவுன் நகை போடனும்னு கேட்டாளாம். ''அடி ஆத்தி.. அப்படியென்ன ஒம் மகன் லாடு வூட்டு லபக்கு தாஸா.. இல்ல லாடு வூட்டு கொலாப்புட்டா? என்ன உத்தியோகம் பார்க்கிறான் என்று கேட்டால், ''எம்புள்ள S.I யா இருக்கான் அப்படின்னாங்க '' ''அது என்ன S.I அப்படின்னு கேட்டால், ''சும்மா இருக்கிறதுதான்'' அப்படின்னு சொன்னாங்க.
''சரி 150 பவுன் போடுகிறோம்.. நீங்க என்ன போடுகிறீர்கள்.? என்று கேட்டால் ''நாங்க அதை வாங்கி எடை போடுவோம்; குறைஞ்சா கல்யாணத்துக்கு தடை போடுவோம்'' அப்படின்னாங்க.
இப்படிப்பட்ட பெண் மாமியாரின் அவலட்சணங்களால்தான் வரதட்சணைக் கொடுமை காட்டுத்தீயாய் சமூகத்தில் பரவிக் கொண்டிருக்கிறது.

அருமையானவர்களே!

• ஏங்கித் தவிக்கும் ஏழைக் குமர்களின் ஏக்கப் பெருமூச்சுகளைத் துடைத்திட 
• வாடி வதங்கும் வண்ண மலர்களின் வருத்தங்களைக் கலைந்திட
• கண்ணீர்க் கடலில் தினம் தினம் கலங்கிக் கிடக்கும் கன்னியரின் கவலைப் போக்கிட 
• வாழ வழியின்றி விழி பிதுங்கி நிற்கும் பெண் குமர்கள் கரை சேர்ந்திட
• வேதனைத் தீயில் வெம்பித் துடிக்கும் பெண் இனத்தின் துயர் தீர்ந்திட
• கல்யாணச் சந்தையில் விலைபோக முடியாமல் விரக்தியின் விளிம்பில் நடைப் பிணமாய் வாழும் எண்ணற்ற அன்பு மலர்களை, அழகுப் பதுமைகளை வாழவைத்திட 

ஆண்கள் மாத்திரமல்ல பெண்களும் திருந்தவேண்டும் குறிப்பாக மாமியார் என்ற அல்லி ராணிகள் கெட்ட கள்ளி ராணிகள் கொள்ளை ராணிகள் திருந்தினால் மட்டுமே வரதட்சணை சனியனை ஒழிக்க முடியும். ஆகவே வாட்டி வதைக்கும் வரதட்சணைக் கொடுமைக்கு பெரிதும் காரணம் பெண்களே பெண்களே என்று கூறி என்னுரையை நிறைவு செய்கிறேன்.


சகோதரர்களே! இந்த பதிவைப் பற்றி உங்கள் கருத்தை இங்கே இடலாமே!