ஜகாத் குறித்த சந்தேகங்களும்! விளக்கங்களும்!!

ஜகாத் குறித்த சந்தேகங்களும்! விளக்கங்களும்!!

*யார் மீது கடமை?*

ஒரு மனிதரிடம் 85 கிராம் நகையோ அல்லது அதற்கு நிகரான (ஜகாத் கடமையுள்ள சொத்து அல்லது) பணமோ இருந்தால் அவர் ஜகாத் கொடுக்க வேண்டும்.

*மனைவி இடத்தில் உள்ள நகைகளுக்கு கணவன் கொடுக்க வேண்டுமா?*

அவ்வாறில்லை. யார் சொத்துக்கு உரிமையாளரோ, அவர் மீது ஜகாத் கடமை. அவர் சார்பாக கணவனோ அல்லது மற்றவரோ ஒப்புதலோடு கொடுப்பது குற்றமில்லை. 

*கடன் இருந்தால் கொடுக்க வேண்டுமா?* 

சொத்து மதிப்பில், வர வேண்டியவைகளை சேர்த்துவிட்டு, கடனை கழித்துவிட்டு மீதமுள்ள தொகை 85 கிராம் அல்லது அதற்கு நிகரான தொகை இருந்தால் கொடுக்க வேண்டும். 

*எவ்வளவு கொடுக்க வேண்டும்?*

சொத்துக்கள்*, தங்கம், ஆபரண கற்கள், வங்கியிலுள்ள சேமிப்பு, கையிருப்பு பணம் போன்றவைகளுக்கு இரண்டரை சதவிகிதம் கொடுக்க வேண்டும். 

(40 கிராம் தங்கம் இருந்தால் ஒரு கிராம் கொடுக்க வேண்டும் அல்லது அதற்கு நிகரான பணத்தை கொடுக்க வேண்டும். 100 கிராம் இருந்தால், மொத்தமாக 100 கிராமுக்கும் கொடுக்க வேண்டும்.) 

_*வாடகை பெறப்படும் (கடை அல்லது வீடு போன்ற) சொத்துக்களுக்கு, வாடகைக்கு மட்டும் 

ஜகாத் கொடுத்தால் போதும். மொத்த மதிப்பிற்கு அல்ல!_

*குழந்தைகளின் நகைகளுக்கு கொடுக்க வேண்டுமா?*

குழந்தைகள் பருவமடைந்து அந்த சொத்துக்களை பயன்படுத்தும் வரை, அதன் உரிமை பெற்றோர்களை சார்ந்ததே. எனவே அதற்கும் கொடுக்க வேண்டும். 

*அனாதைகளின் சொத்துக்களுக்கு கொடுக்க வேண்டுமா?*

ஆம்... அவர்களை பராமரிப்பவர், அவர்களது சொத்திலிருந்தே கொடுக்கலாம்.

*தரிசு நிலத்திற்கு கொடுக்க வேண்டுமா?*

தரிசு நிலத்திற்கு ஜகாத் இல்லை. ஆனால் விற்பனை எண்ணத்துடன் வைத்திருக்கும் தரிசு நிலத்திற்கு ஜகாத் கொடுக்க வேண்டும். 

*விவசாய நிலத்திற்கு கொடுக்க வேண்டுமா?*

விவசாய நிலத்தில் வரும், விளைச்சலுக்கு மட்டும் ஜகாத் உண்டு!

*விவசாயத்திற்கு எவ்வளவு கொடுக்க வேண்டும்?*

எவ்வித உழைப்பும் இன்றி, மழை நீரால் மட்டுமே கிடைக்கப்பெறும் விளைச்சலுக்கு , 10 சதவிகிதம் கொடுக்க வேண்டும். 

நீர் இறைத்து கிடைக்கப்பெறும் விளைச்சலுக்கு , 5 சதவிகிதம் கொடுக்க வேண்டும். 

மழைநீர் மற்றும் இறைத்து செலவிடப்படும் நீர் போன்றவற்றால் கிடைக்கப்பெறும் விளைச்சலுக்கு , ஏழரை சதவிகிதம் கொடுக்க வேண்டும். 

*கால்நடைகளுக்கு கொடுக்க வேண்டுமா?*

39 கால்நடைகள் வரை கிடையாது. 

40 கால்நடைகள் இருந்தால் ஒன்று கொடுக்க வேண்டும். 120 க்கு மேல் இருந்தால் இரண்டு கொடுக்க வேண்டும். 200க்கு மேல் இருந்தால் 3 கொடுக்க வேண்டும். 300க்கு மேல் 4.... Etc., 

*எதன் மீது ஸகாத் கிடையாது?*

வசிக்கும் வீடு, பயன்படுத்தும்  பொருட்கள், வாகனம் போன்ற அத்தியாவசிய பொருட்கள் மீது ஸகாத் கிடையாது. 

*கொடுத்த பொருளுக்கு மீண்டும் ஜகாத் கொடுக்க வேண்டுமா?* 

ஒரு ஹிஜ்ரி வருடம் பூர்த்தி ஆகும் அனைத்து பொருட்களுக்கும், ஒவ்வொரு வருடமும் ஜகாத் கொடுக்க வேண்டும். 

*ரமலான் மாதத்தில் தான் கொடுக்க வேண்டுமா?*

அவ்வாறில்லை. சொத்துக்கள் கிடைக்கப் பெற்று ஒரு ஹிஜ்ரி வருடம் பூர்த்தி ஆனால் ஜகாத் கொடுக்க வேண்டும். அது எந்த மாதம் ஆனாலும் சரியே. 

ஆனால் அவ்வாறு கணக்கிடுவது மிகுந்த சிரமம். 

எனவே உலகம் முழுவதும் ரமலான் மாதத்தை தேர்ந்தெடுத்துள்ளனர். இம்மாதம் நன்மைகளை பன்மடங்காக்கி தரும் மாதம் என்பதும், இம்மாதத்தை தேர்ந்தெடுத்ததற்கு ஓர் காரணம். 

*யாருக்கு கொடுக்க வேண்டும்?*

(ஜகாத் என்னும்) தானங்கள் தரித்திரர்களுக்கும், ஏழைகளுக்கும், தானத்தை வசூல் செய்யும் ஊழியர்களுக்கும், இஸ்லாத்தின் பால் அவர்கள் உள்ளங்கள் ஈர்க்கப்படுவதற்காகவும், அடிமைகளை விடுதலை செய்வதற்காகவும், கடன் பட்டிருப்பவர்களுக்கும், அல்லாஹ்வின் பாதையில் (போர் புரிவோருக்கும்), வழிப்போக்கர்களுக்குமே உரியவை. (இது) அல்லாஹ் விதித்த கடமையாகும் - அல்லாஹ் (யாவும்) அறிபவன், மிக்க ஞானமுடையோன்.

(அல்குர்ஆன் : 9:60)

*உறவினர்களுக்கு கொடுக்கலாமா?*

கொடுக்கலாம். உறவினர்களுக்கு கொடுக்கும்போது, ஸக்காத் கடமையை நிறைவேற்றிய நன்மையும், உறவைப் பேணிய நன்மையும் இணைந்து கிடைக்கும். 

(ரத்த உறவு இல்லாதவர்களுக்கும் கிடைக்கும் வகையில், நமது ஸகாத்தை சில பகுதிகள் பகிர்ந்தளிப்பது ஏற்றமானதே!) 

*தாய் தந்தையருக்கு கொடுக்கலாமா?*

யாருக்கெல்லாம் நாம் செலவு செய்ய வேண்டிய கடமை உள்ளதோ அவர்களுக்கு

கண்டிப்பாக கொடுக்கக்கூடாது. 

தாய் தந்தை, அவர்களின் பெற்றோர், அவர்களின் பெற்றோர்... அதேபோல் பெற்றெடுத்த குழந்தை, பேரக் குழந்தை, அவர்கள் பெற்றெடுத்த குழந்தை என யாருக்கும் கொடுக்க கூடாது. 

மனைவிக்கு கொடுக்கக்கூடாது. ஆனால் மனைவி, கணவனுக்கு கொடுக்கலாம். 

(மகளும், பெற்றோருக்கு ஜகாத் நிதியை கொடுக்கக்கூடாது என்பதே பெரும்பாலான அறிஞர்களின் கருத்து.) 

*ஜகாத் நிதி என சொல்லாமல் கொடுக்கலாமா?*

ஜகாத் பெறுவதற்கு அவர் தகுதியானவர் தான் என கண்டிப்பாக தெரியும் பட்சத்தில்,  சொல்லாமல் கொடுக்கலாம். 

ஆனால் சிலரின் புறத்தோற்றம் பெறுவதற்கு தகுதியானவர் போல் தெரியலாம், ஆனால் அவரிடம் சொத்துக்கள் இருந்தால், தகுதியற்ற  ஒருவருக்கு, ஜகாத் அளித்தவரை போல் ஆவோம்.

(சொல்லிக் கொடுத்தால், இதனை தவிர்க்கலாம்)

*சொத்துக்கள் உண்டு... ஆனால் கஷ்டப்படுகிறார் அவருக்கு கொடுக்கலாமா?*

யார் ஜகாத் கொடுப்பதற்கு தகுதியானவரோ, அவர் அதைப் பெறுவதற்கு தகுதி இழந்து விடுகிறார்.

*ஜகாத் கடமை... ஆனால் கொடுப்பதற்கு வசதி இல்லை... என்ன செய்வது?*

நகை அல்லது ஏதேனும் பொருட்களை விற்று கொடுத்திட வேண்டும்.

தள்ளிப்போடுவதற்கு அனுமதி இல்லை...

*வாராக் கடன்களை (Bad Debts) கழித்து விடலாமா?*

ஜகாத் தொகையை பெற்றவர், அதனை விருப்பம்போல் செலவு செய்யலாம். ஆனால் வாராக் கடன்களை கழித்து விடும்போது, நமது கடனை மட்டுமே திருப்பிக் கொடுக்க வேண்டிய நிர்ப்பந்தம் அதில் ஏற்பட்டுவிடுகிறது. எனவே அவ்வாறு கடன்களை கழித்து விடக்கூடாது. 

*வாராக்கடன்களுக்கு ஒவ்வொரு வருடமும் ஜகாத் கொடுக்க வேண்டுமா?*

வருடங்கள் கடந்த வாராக்கடன் எனில், அதற்கு ஒவ்வொரு வருடமும் ஜகாத் கொடுக்கத் தேவையில்லை. அந்த கடன் எப்போது திரும்பப் பெறப்படுகிறதோ, அந்த நேரத்தில் ஜகாத்தை கொடுத்துவிட வேண்டும்.

வீடு, கடை வாடகை போன்றவற்றிற்கு முன்பணம் (Advance / Security Deposit) கொடுத்து வைத்திருந்தால் அதற்கும் இதே சட்டமே. 

*வியாபாரப் பொருட்களுக்கு ஜகாத் உண்டா?*

எவையெல்லாம் விற்பனைக்காக தயார் செய்யப்படுகிறதோ,  அதன் மீது ஜகாத் கடமையாகின்றது. 

ஆனால் கடையில் பயன்படுத்தப்படும் பொருட்களின் மீது, ஜகாத் கடமை இல்லை.

*வியாபார பங்குகள் (Shares) மீது ஜகாத் உண்டா?* 

ஆம்... ஆன்லைன் பங்குகள் மற்றும் ஸ்லீப்பிங் பார்ட்னர்ஸ் பங்குகள் மீதும் உண்டு. 

பேப்பர் கோல்டு,  இ-கோல்டு போன்றவற்றின் மீதும் உண்டு. 

*குறிப்பு*: _இவை அனைத்தும் ஆதாரபூர்வமான ஹதீஸ்கள் மற்றும் ஃபத்வாக்கள் அடிப்படையில் தொகுக்கப்பட்டது. எனினும் தங்கள் பகுதி மார்க்க அறிஞர்களிடம் கூடுதல் விவரங்களை அறிந்து கொள்ளவும்_

அபயம் தேட அற்புதமான நேரம்

அபயம் தேட அற்புதமான நேரம் வெள்ளிக் கிழமையில் உண்டு.
நீண்ட காலமாக இழுபறியாக இருந்த எகிப்தின் வெற்றி எப்படி சாத்தியமானது? உமர் ரலி வரலாற்றில் ஒரு நிகழ்வு:

وفي رواية عن زيد بن أسلم قال: لما أبطأ على عمر فتح مصر كتب إلى عمرو بن العاص: أما بعد: فقد عجبت لإبطائكم عن فتح مصر.. وما ذاك إلا لما أحدثتم وأحببتم من الدنيا ما أحب عدوكم، وإن الله تعالى لا ينصر قوما إلا بصدق نياتهم، وقد كنت وجهت إليك أربعة نفر وأعلمتك أن الرجل منهم مقام ألف رجل على ما أعرف؛ إلا أن يكون غيرهم ما غير غيرهم. فإذا أتاك كتابي هذا فاخطب الناس وحضهم على قتال عدوهم ورغبهم في الصبر والنية، وقدم أولئك الأربعة في صدور الناس، وأمر الناس أن يكون لهم صدمة كصدمة رجل واحد، وليكن ذلك عند الزوال يوم الجمعة، فإنها ساعة تنزل فيها الرحمة ووقت الإجابة، وليعج الناس إلى الله وليسألوه النصر على عدوهم.

فلما وصل الكتاب إلى عمرو جمع الناس وقرأه عليهم، ثم دعا أولئك النفر فقدمهم أمام الناس، وأمر الناس أن يتطهروا ويصلوا ركعتين ثم يرغبون إلى الله ويسألونه النصر ففتح الله عليهم.

இதை உரை வடிவில் கேட்க...

minnal Fm வானொலி உரை | ஞானச்சுடர் பகுதி-2 | பொதுநலன்

ஹஸன் பஸரி ஐம்புலன்களையும் அடக்கி ஞானச்சுடர் பெற்ற ஒரு மகான்.

 அன்னை ராபியா பசரியா அவர்களும் ஒரு ஆத்ம ஞானி.

இருவரும் ஒருநாள் டைக்ரிஸ் நதிக்கரையில் ஏகாந்தமாக அமர்ந்து ஆன்மீகம் இறை அருள் ஞானம் மனோசக்தி இது போன்ற விஷயங்களை உரையாடிக் கொண்டிருந்தார்கள் இடையிலேயே ஹஸன் பஸரீ ரஹ்மத்துல்லாஹி என்ன செய்தார்கள் தனது தொழுகை விரிப்பை எடுத்து நதியின் மேற்பரப்பில் போட்டு அதன் மீது நின்று தொழ ஆரம்பித்தார்கள் மூழ்கவில்லை இதனை பார்த்த அன்னை ராபியா என்ன செய்தார்கள் தெரியுமா தனது முசல்லாவை தொழுகை விரிப்பை எடுத்து ஆகாய வெளியில் அந்தரத்திலே விரித்து தியானத்தில் ஈடுபட ஆரம்பித்தார் 

ஹஸன் பஸரீ அவர்கள் தொழுகையை முடித்துக் கொண்டதும் 

அன்னை ராபியாவும் தன்னுடைய தியானத்தை முடித்து கொண்டு கீழே இறங்கி வந்தார் 

ஆஹா என்ன ஒரு அற்புதம் நானாவது தண்ணீரின் மீதுதான் மிதந்து தொழுதேன்.  நீங்களோ ஆகாயத்திலே விரித்து விட்டீர்களே எவ்வளவு பெரிய அற்புதம் என்று புகழ்ந்து பேசினார் அப்போது தான் அன்னை சொன்னார்கள் இதெல்லாம் என்ன அற்புதம் நீரிலே முழுகாமல் இருப்பதும் ஆகாயத்தில் அந்தரத்தில் பறப்பது அறிவுஜீவிகள் இடத்திலே கூட இருக்கிறது மீன்கள் நீரிலே நீந்தி விளையாடுகின்றன பறவைகள் ஆகாயத்தில் பறந்து கொண்டே இருக்கின்றன எனவே இதையெல்லாம் செய்வதால் மனிதன் மகானாகி விடமுடியும்?

யார் கருணை நிறைந்த உள்ளத்தோடு மற்றவர்களின் துன்பத்தைப் போக்கி வாழ்கிறாரோ அவர்தான் சிறந்த மனிதர். நமக்காக மட்டுமின்றி மற்றவரின் நலனுக்காகவும் வாழ்கிறாரோ அவர் தான் உண்மையான பக்தன் அதுதான் உண்மையான அற்புதம் .

இப்பொழுது நீ செய்தாயே அந்த அற்புதத்தை விட நான் செய்த அந்த அற்புதத்தை விட பொது நலத்தோடு வாழ்வதுதான் சிறந்த அற்புதம் என்று சொன்னார்கள்

ஒருநாள் வருமானத்தை விட குறைவாகவா?

وقيل بعث هارون الرشيد إلى مالك بن أنس رحمه الله بخمسمائة دينار فبلغ ذلك الليث بن سعد فأنفذ إليه ألف دينار فغضب هارون وقال أعطيته خمسمائة وتعطيه ألفاً وأنت من رعيتي فقال يا أمير المؤمنين إن لي من غلتي كل يوم ألف دينار فاستحييت أن أعطي مثله أقل من دخل يوم

وحكي أن امرأة سألت الليث بن سعد رحمة الله عليه شيئاً من عسل فأمر لها بزق من عسل فقيل له إنها كانت تقنع بدون هذا فقال إنها سألت على قدر حاجتها ونحن نعطيها على قدر النعمة علينا 

وكان الليث ابن سَعْدٍ لَا يَتَكَلَّمُ كُلَّ يَوْمٍ حَتَّى يَتَصَدَّقَ على ثلثمائة وستين مسكيناً

وقال الأعمش اشتكت شاة عندي فكان خيثمة بن عبد الرحمن يعودها بالغداة والعشي ويسألني هل استوفت علفها وكيف صبر الصبيان منذ فقدوا لبنها وكان تحتي لبد أجلس عليه فإذا خرج قال خذ ما تحت اللبد حتى وصل إلي في علة الشاة أكثر من ثلثمائة دينار من بره حتى تمنيت أن الشاة لم تبرأ

وقيل مرض قيس بن سعد بن عبادة فاستبطأ إخوانه فقيل له إنهم يستحيون مما لك عليهم من الدين فقال أخزى الله مالا يمنع الإخوان من الزيارة 

ثم أمر منادياً فنادى من كان عليه لقيس بن سعد حق فهو منه بريء قال فانكسرت درجته بالعشي لكثرة من زاره وعاده

وقيل بكى علي كرم الله وجهه يوماً فَقِيلَ مَا يُبْكِيكَ فَقَالَ لَمْ يَأْتِنِي ضَيْفٌ مُنْذُ سَبْعَةِ أَيَّامٍ أَخَافُ أَنْ يَكُونَ اللَّهُ قد أهانني

ربي اوزعني ان اشكر نعمتك التي انعمت علي وعلى والدي وان اعمل صالحا ترضاه

யா அல்லாஹ் நீ எங்களுக்கும் எங்கள் பெற்றோருக்கும் வழங்கிய அருட்கொடைகளுக்கு என்றென்றும் நன்றி செலுத்தக் கூடியவர்களாக எங்களை ஆக்கி வைப்பாயாக

உனக்கு பொருத்தமான நல்லமல்களை நற்செயல்களை செய்ய கூடியவனாகவும் என்னை ஆக்கி வைப்பாயாக

முதலில் ஒட்டகத்தைக் கட்டிப் போடு | மின்னல் பண்பலை வானொலி உரை

உரை : சதக் Maslahi

அன்பான மின்னல் Fm நேயர்களே...

 நாம் இப்பொழுது இனிய லட்சியங்களோடும் முயற்சிகளோடும் சிறந்த வாழ்க்கைக்கு தயாராகுவோம்

வாழ்க்கையில் வெற்றி பெற நமது நாட்கள் இனிமையாக அமைய நாயன் அல்லாஹ்விடம் நம்பிக்கை வைப்பதோடு நல்ல முயற்சிகளும் வேண்டும் எல்லாமே அல்லாஹ் பார்த்துக் கொள்வான் என்று சோர்ந்து கிடக்காமல் சுறுசுறுப்போடு வீறுகொண்டு எழவேண்டும்

சுருங்கக்கூறின் அல்லாஹ்வின் மீது தவக்கல் என்கிற நம்பிக்கை வைப்பதோடு அவன் காட்டிய வழிகளில் முயற்சி செய்கிற போது தான் வாழ்வதற்கான வழிகள் பிறக்கும் என்பதை அல்லாஹ்வே சொல்கிறான்

والذين جاهدوا فينا لنهدينهم سبلنا 

யார் முயற்சி செய்கிறார்களோ அவர்களுக்கு நம்முடைய பாதைகளுக்கு வழி காட்டுகிறோம்

எகிப்திய பாலைவனத்தின் நடுவே ஞானி வேறு ஒருவர் வசித்து வந்தார் பாலைவனச்சோலை என்பார்களே அப்படிப்பட்ட பகுதி அந்த இடத்தில் நீரும் மரங்களும் நிறைந்திருக்கும் ஆனால் சுற்றிலும் பல நூறு மைல் தூரங்களுக்கு வெறும் பாலைவனம் மட்டுமே தென்படும் ஞானியை பார்ப்பதற்கு எங்கிருந்தோவெல்லாம் ஒட்டகங்களில் பலரும் பல நாட்கள் பயணம் செய்து அங்கே வருவார்கள் 

அப்படி வருகிறவர்களை இன்முகத்தோடு வரவேற்று உபசரித்து அனுப்புவது அவருடைய வழக்கம் ஒருநாள் நீண்ட தூரத்திலிருந்து ஒரு கிராமவாசி ஞானியை பார்க்க வந்திருந்தான் ஞானி அப்போது சிறிய கூடாரம் ஒன்றில் தங்கியிருந்தார் அதன் உள்ளே நுழைந்து அவருக்கு சலாம் சொல்லி நின்றான் தங்களை காண்பதற்கு வெகுதூரத்தில் இருந்து வந்திருக்கிறேன் என்றான் சரி சந்தோசம் எப்படி வந்தாய் என்று கேட்டார் ஒட்டகத்தில் தான் அப்படியா ஒட்டகம் எங்கே 

வெளியில் நிறுத்தி வைத்திருக்கிறேன்  சரி அதனை கட்டிப்போட்டு விட்டு வந்தாயா இல்லை என்றான் ஏன் என்று கேட்டார் இல்லை எனக்கு இறைவன் மீது முழு நம்பிக்கை உண்டு அவன் பார்த்துக் கொள்வான் 

அவர் சொன்னார் அட முட்டாளே போய் உடனே ஒட்டகத்தைக் கட்டிப் போடு அதன் பிறகு அல்லாஹ் மீது நம்பிக்கை வை என்றார்

நம்மால் முடிந்த செயல்களை நாமே செய்ய வேண்டும் சோம்பேறித் தனத்திற்கு கவசமாக இறை நம்பிக்கையை காட்டக்கூடாது.

அல்லாஹ்வின் மீது ஆழ்ந்த நம்பிக்கையும் வேண்டும் அதே நேரத்தில் முயற்சியும் வேண்டும் என்பதை விளக்குகிற வரலாறு இது.

ஒட்டகத்தை முறையாக கட்டிப்போட்டு இந்த காலத்தில் சொல்வதாக இருந்தால் வாகனத்தை முறையாக பார்க்கிங் செய்து அதன் பிறகு அல்லாஹ் மீது பொறுப்பு சாட்டி விட்டு வரவேண்டும் 

அப்போது அல்லாஹ் அதை பாதுகாப்பான் அதற்குப் பிறகும் திருட்டு நடந்தால் அதைவிட சிறந்த பகரத்தை  அல்லாஹ் நமக்கு தருவான் .

ஒரு கிராமவாசி நெடுந்தொலைவில் இருந்து ஒட்டகத்தில் பயணித்து வந்தார் இடையிலேயே தொழுகைக்கான நேரம் வந்தது ஒரு பள்ளிவாசலின் வாசலிலே ஒரு ஓரத்தில் அதை கட்டிப்போட்டுவிட்டு அல்லாஹ்விடத்தில் இயற்கை எய்தினார் யா அல்லாஹ் இதை உன்னுடைய பாதுகாப்பில் அமானிதமாக விட்டு விட்டுச் செல்கிறேன் என்றார் தொழுது விட்டு திரும்பி வந்து பார்க்கிறார் ஒட்டகத்தை காணவில்லை உடனே அல்லாஹ்விடத்தில் கேட்டார் யா அல்லாஹ் உன்னுடைய அமானிதத்தை நான் செலுத்திவிட்டேன் தொழுகை என்னுடைய அமானிதம் எங்கே இவர் கேட்ட மாத்திரத்தில் கொஞ்சம் தூரத்தில் இருந்து ஒருத்தர் வேகமாக வந்தார் அவருடைய கையிலே இவருடைய ஒட்டகம் இருந்தது இன்னொரு கை வெட்டப்பட்டு ரத்தம் சொட்டிக் கொண்டிருந்தது இதோ உங்களது ஒட்டகம் என்று கொடுத்தார் என்ன நடந்தது என்று இவர் கேட்டார் அவர் சொன்னார் உங்களது ஒட்டகத்தை நான் தான் திருடிக் கொண்டு போனேன் ஆனால் திடீரென்று ஒரு அதிசய மனிதர் தோன்றி வழிமறித்தார் அவரது கையிலே வாள் இருந்தது அதைக்கொண்டு எனது ஒரு கையை வெட்டினார் ..

மரியாதையாக இந்த ஒட்டகத்தை கொண்டு போய் எடுத்த இடத்திலேயே ஒப்படைத்து விடு இல்லை என்றால் மறு கையும் வெட்டப்படும்  என்று சொல்லிவிட்டு மறைந்து விட்டார் வந்தவர் யாராக இருக்கும் வானவர் ஆகத்தான் இருக்க வேண்டும் என்று நான் சொல்லித்தான் தெரிய வேண்டுமா..

எனவே நாம் முயற்சியும் செய்துவிட்டு அல்லாஹ் மீது நம்பிக்கை வைத்தால் எல்லாம் நலமாக இருக்கும் அதைத்தான் நபிகள் நாயகம் ஸல்லல்லாஹு அலைஹி வஸல்லம் சொன்னார்கள்

நீங்கள் பறவைகள் அல்ல மீது நம்பிக்கை வைப்பது போல நீங்களும் நம்பிக்கை வைத்தால் அவைகளுக்கு அல்லாஹ் உணவளிப்பது போல உங்களுக்கும் உணவளிப்பான் 

எல்லாம் அல்லாஹ் பார்த்துக் கொள்வான் என்று அவைகள் கூட்டுக்குள்ளே முடங்கிக் கிடப்பதில்லை காலையில் பசித்த வயிறுடன் பறந்து செல்கின்றன மாலையில் வயிறு நிரம்பி வந்து சேருகின்றன அல்லாஹ்வின் மீது நம்பிக்கை வைத்து உழைப்பும் செய்கின்றன.

சரி நேயர்களே இப்பொழுது அல்லாஹ் மீது முழுமையாக நம்மை ஒப்படைத்து கண்ணுறங்குவவோம்.

அதிகாலையில் சுறுசுறுப்போடும் விறுவிறுப்பும் எழுந்து அல்லாஹ்வின் அருள் என்கிற உழைப்பை நோக்கி விரைவோம் வல்லவன் அல்லாஹ் வளமான வாழ்க்கை நமக்கு வழங்குவான்

اللهم اني اسلمت نفسي اليك و فوضلت امري اليك ووجهت وجهي اليك والجات ظهري اليك رغبة ورهبة اليك لا ملجا ولا منجا منك الا اليك امنت بكتابك الذي انزلت وبنبيك الذي ارسلت

யா அல்லாஹ் உன்னிடமே என் ஆன்மாவை ஒப்படைக்கிறேன் உன்னிடமே என் காரியங்களை பொறுப்பு சாட்டுகிறேன்.

எனது முன் முகத்தையும் பின்புறத்தையும் என் உடல் முழுவதையும் உன் பக்கமே ஒதுக்குகிறேன்.

உன் அருள் மீது அளவுகடந்த ஆசையும் உன் தண்டனையின் மீது பயமும் எனக்கு நிச்சயம் உண்டு

உன் தண்டனையை விட்டு தப்பித்து ஓடுவதற்கு எந்த வழியும் இல்லை. உன் பக்கம் தான் நான் வந்தாக வேண்டும்

நீ அருளிய வேதத்தையும் நீ அனுப்பிய தூதரையும் நம்பிக்கை கொண்டிருக்கிறேன்.

اللهم باسمك اموت واحيا

உனது திருப் பெயரை உச்சரித்தே உறங்குகிறேன் உனது திருப்பெயர் கொண்டே மறுபடியும் எழுவேன்

ரஜப் மாத சிந்தனைகள்

நபிகள் நாயகம் சல்லல்லாஹு அலைஹிவசல்லம் அவர்கள் ரஜபு மாதம் வந்து விட்டால் இப்படி பிரார்த்திப்பார்கள் யா அல்லாஹ் எங்களுக்கு ரஜபிலும் ஷஃபானிலும் அபிவிருத்தி நல்குவாயாக ரமளானை அடையச் செய்வாயாக

நிச்சயமாக சுவனத்தில் ஒரு நதி உண்டு அதற்கு ரஜபு என்று பெயர் அந்த நதி பாலைவிட வெண்மையானது தேனைவிட மதுரமானது யார் ரஜப் மாதத்தில் ஒரு நாளாவது நோன்பு வைக்கிறாரோ அவருக்கு அந்த நதியில் இருந்து அல்லாஹ் நீர் புகட்டுவான்

யார் ரஜப் மாத இரவில் நின்று வணங்கி பகலில் நோன்பு வைக்கிறாரோ சொர்க்கத்தின் பழங்களிலிருந்து அல்லாஹ் அவருக்கு சுவைக்கச் செய்வோம் சுவனத்தின் பச்சை பட்டாடைகளையும் அவருக்கு உடுத்துவான்.

ரஹ்மத்- இறையருள்

அல்லாஹ்வுடைய கருணை ஒரு வினாடி இல்லையென்றால் இந்த உலகம் சுக்கு நூறாகிவிடும் இந்த உலகமும் சின்னாபின்னமாகிவிடும் .
அல்லாஹ்வுடைய ரஹ்மத் இந்த உலகத்தில் எல்லா நேரங்களிலும் எல்லா இடங்களிலும் சூழ்ந்திருக்க வேண்டும் பொழிந்து கொண்டே இருக்க வேண்டும். அப்போது தான் இந்த உலகம் நிலைத்திருக்கும்

நபிகள் நாயகம் சல்லல்லாஹு அலைஹிவசல்லம் ரமளானுடைய முதல் பத்தை ரஹ்மத்துடைய பகுதியாக வர்ணித்தார்கள்.

ரஹ்மத் என்றால் என்ன?

மக்தப் மதரசாக்களை நிலைப்படுத்துவோம்

சமுதாயத்தின் ஒழுக்கமும் முன்னேற்றமும் மக்தப் மதரஸாக்களிலிருந்து தான் உருவாகிறது.
பெற்றோர்களை மதிக்கும் பிள்ளைகளாக.. அவர்களுக்கு பணிவிடை செய்யும் பிள்ளைகளாக...  அனைவராலும் போற்றப்படும் பிள்ளைகளாக... அல்லாஹ்வின் அன்பையும் அருளையும் பெற்ற பிள்ளைகளாக உங்கள் பிள்ளைகள் உருவாக மதரசாக்களே அடிப்படை.