புகழ் பாட வந்தோம் நாம் புவி வாழ்விலே!

புகழ் பாட வந்தோம் நாம் புவி வாழ்விலே-எம்

பெருமானார் இறைத் தூதர் நபி மீதிலே 

புகழ் அனைத்தும் இறைவனுக்கே எனச் சொல்லியே \

அந்த இறைத்தூதர் புகழுக்கு ஈடு இணையில்லையே

தென்றலை நான் புகழ்கின்றேன் சுகம் தந்ததா- எழில் 

மென் மலரைப் புகழ்கின்றேன் மணம் வந்ததா?

எம் அருமை நபி தந்த சுகம் கொஞ்சமா?

நான் எதைச் சொல்லிப் புகழ்ந்திடுவேன் இறை யாஅல்லாஹ் 

வானுலகம் வலம் வந்த விதம் கூறவா?- உயர் 

மாமக்கம் வென்றடைந்த நயம் கூறவா?

தீன் நபி வாழ் மாமதினா எழில் கூறவா?-2

நான் எதைச் சொல்லிப் புகழ்ந்திடுவேன் இறை யாஅல்லாஹ் 

நேர்வழியை எமக்களித்த அருள் கூறவா?  வலி- 

-மார் வழியைத் துயரவைத்த பொருள் கூறவா?

ஓரிறையை உணர வைத்த முறை கூறவா?

நான் எதைக் கூறி இரசூலைப் புகழ்வேன் அல்லாஹ்!

எமக்காக இடர்பட்ட துயர் கூறவா?

அவர் தமக்காக வாழவில்லை மெய் சொல்லவா?

இறைக்காக எழுந்து வந்த முறை சொல்லவா?

நான் எதைச் சொல்லிப் புகழ்ந்திடுவேன் இறை யாஅல்லாஹ்! 

கார்மேகம் குடை பிடித்த கதை சொல்லவா? -அவர் 

போர்முனையில் துயர் கண்ட நிலை சொல்லவா

யார் நமக்கு மஹ்ஷரிலே துணை... சொல்லவா?

நான் எதைச் சொல்லிப் புகழ் பாட வந்தேன் அல்லாஹ்!

இக வாழ்வை எளிதாக்கித் தரும் மாநபி- பெரும்

சுக வாழ்வை மறுவாழ்வில் தரும் மாநபி

அகம் புறமும் அலங்கரிக்கும் ஒளி மாநபி 

நான் எதைச் சொல்லிப் புகழ்ப் பாடி முடிப்பேன் அல்லாஹ்!

அகிலத்தை ரஹ்மத்தால் சூழ்ந்தார் நபி - தம்

உம்மத்தை ஒருபோதும் மறவா நபி 

புகழ் பாடி முடியாத புகழ் மாநபி-அந்த

நபி மீது சலவாத்தைப் பொழிவாய் அல்லாஹ்! 

மறைந்தும் மறையாமல்...

அருமையான வெண்கலக்குரலில் வேந்தர் நபி பற்றி பாடல்!
 கேட்க... பதிவிறக்கம் செய்ய...

மறைந்தும் மறையாமல் மறைந்து மதீனாவில் வாழும் மஹ்மூதரே
என்றும் மறையா மறை தந்து மறையா புகழ் கண்டு மறைந்த மா மன்னரே

மனிதகுலம் வாழ மனிதராய் பிறந்த மனிதரில் புனிதரே
மன்னில் மடைமை இருள் அகற்றி மார்க்கஒளி ஏற்றி மகிழ்ந்த நபிநாதரே
                                                         (மறைந்தும் மறையாமல்)

வானில் ஒளி வீசும் மதியின் அழகு உந்தன்
அழகிற்கு இனையாகுமோ -நபி
அழகிற்கு இனையாகுமோ

வார்த்தை முழுதும் நான் வார்த்து தொகுத்தாலும்
வாழ்த்து நிறைவாகுமோ- நபி
வாழ்த்து நிறைவாகுமோ

நபிகள் எல்லோரும் நபியே உன் வரவை
நவின்று சென்றார்களே-அன்று
நாயன் ரஹ்மானை நபியே உன் பின்னே
நின்று தொழுதார்களே.
                                               (மறைந்தும் மறையாமல்)

கனவில் எனை கண்டோர் எனையே கண்டார்கள்
என்று உரைத்தீர்களே -நபி
அன்று உரைத்தீர்களே

கருனை முகமதுவை கனவில் நான் கான
இன்று வருவீர்களே நபி
இன்று வருவீர்களே

உம்மி நபி உங்கள் உம்மத்தான என்னை அன்று சுவனத்திலே
உங்கள் அருகில் அமரவைத்து உவகை கண்டிடவே உதவி செய்வீர்களே
                                                     (மறைந்தும் மறையாமல்)

உலாவும் தென்றல் காற்றலையே...

உலாவும் தென்றல் காற்றலையே..
சலாத்தை ஏந்திச் செல்வாய் நீ
நபியின் பாத மலரடிக்கே..
தவழ்ந்தே போகும் மேகங்களே..
என் தூதை கொண்டு செல்வீரே..
நபியின் பாத மலரடிக்கே..

நபியைக் காண என் இதயம் துடிக்கும் ஓசை கேட்பீரே..
விடும் என் மூச்சுக் காற்றினிலே நபியின் நாமம் கேட்பீரே..
மதீனா காண ஏங்கி நிற்கும் என் ஆவலை ஏந்திச் செல்வீரே-2
நபியின் பாத மலரடிக்கே..

ரசூலுல்லாஹ் என் கண்மணியாம்!  ஹபீபுல்லாஹ் என் அக ஒளியாம்!!
அண்ணல் மஹ்மூதைக் காணாமல் என் கண்கள் இருந்தென்ன லாபம்?
நபியுல்லாஹ்வின் சமூகத்திலே என் ஆவலை ஏந்திச் செல்வீரே!-2
நபியின் பாத மலரடிக்கே..

நான் உலகில் வாழும் காலமெல்லாம் நபியின் காதல் வாழ்த்திடுவேன்
நான் செய்த பாக்கியம்தானே நபியின் உம்மத்தாய்ப் பிறந்தேன்
ரசூலுல்லாஹ்வின் சபைதனிலே என் ஆவலை ஏந்திச் செல்வீரே!
நபியின் பாத மலரடிக்கே..

கண்கள் இரண்டும் நபி பாதம்காண தேடுதே

 قدم محمد عليه الصلاة والسلام

கண்கள் இரண்டும் நபி பாதம்காண தேடுதே

 திங்கள் இரசூலே உங்கள் அன்பை மனம் நாடுதே

கண்கள் இரண்டும் நபி பாதம்காண தேடுதே

மக்க நகர் மண்ணாய்ப் பிறந்தேனா நானும் 

மஹ்மூதர் பாதம் தொடர்ந்தேனா நானும்-2

 என்றுலகில் காண்பேன் எங்கள் நபி நாதர்

 இனிதான தோற்றம் கண்டாலே ஏற்றம்-2

                                                                 (கண்கள் இரண்டும்)

மதினாவிலே ஓர் மரமாகினேனா

 மாநபிக்குத் தென்றல் காற்றும் தந்தேனா-2

அவர் கையில் ஏந்தும் வாளாகினேனா

 அன்னல் நபி அன்புக்கு ஆளாகினேனா-2

                                                                (கண்கள் இரண்டும்)

கஃபாவிலே ஓர் கல்லாகினேனா

 காப்பவனின் வீட்டில் உள்ளாகினேனா-2

 கடும்பசி தாங்கி கருணை நபி வயிற்றில் 

கட்டிய கல்லில் இடமாகினேனா-2

                                                          (கண்கள் இரண்டும்)

ஒட்டகமாய் உலகில் பிறந்தேனா நானும்

 உத்தம நபியை சுமந்தேனா நானும்

 பேரித்தங்கனியாய் கனிந்தேனா நானும்

பெருமானின் உமிழ் நீரில் கலந்தேனும் நானும்

                                                     (கண்கள் இரண்டும்)

உத்தம நபி (ஸல்) உதயம்

• முன் வேதங்களில் முன்னறிவிப்பு செய்யப்பட்ட முத்தான நபி ஸல்லல்லாஹு அலைஹி வசல்லம்.
• அவர்களின் வருகை குறித்து முன்னறிவிப்பு செய்யாத எந்த நபியும் இல்லை. எந்த வேதமும் இல்லை.
• அவர்களை அவர்களின் அருமைத் தோழர்கள் வர்ணித்த விதத்தை ஹதீஸ்களில் படித்தால் மெய்சிலிர்த்துப் போகிறோம்.

நபி புகழ் பாடல்கள்

ஊனிலும் உணர்விலும் கலந்த உத்தம நபி (ஸல்)

மவ்லானா அல்ஹாஜ் எஸ்.எஸ். அஹ்மது பாகவி ஹழ்ரத் கிப்லா அவர்களின் ஜூம்ஆ உரை 17-01-2014 (மஸ்ஜித் இந்தியா, கோலாலம்பூர், மலேசியா)

ஏந்தல் நபி (ஸல்) அவர்களின் எளிமை

மவ்லானா எஸ். எஸ். அஹ்மது பாகவி ஹழ்ரத் கிப்லா ஜும்ஆ உரை 

      (10-01-2014)

மீலாதின் தாத்பரியம்

மவ்லானா எஸ். எஸ். அஹ்மது பாகவி ஹழ்ரத் கிப்லா ஜும்ஆ உரை 

      (03-01-2014)

முஹம்மது (சல்லல்லாஹு அலைஹி வசல்லம்) வினாடி - வினா 5

101. முஹம்மது நபி (ஸல்) அவர்களின் பள்ளிவாசளின் பெயர் என்ன?
மஸ்ஜிதுன் நபவீ ஆகும்.

102. முஹம்மது நபி (ஸல்) அவர்களின் வளர்ப்பு மகனார் பெயர் என்ன?
ஹழ்ரத் ஸைத் (ரலி) அவர்களாகும்.

103. முஹம்மது நபி (ஸல்) அவர்களின்; பேரர்கள் யார் யார்?
1. ஹரழ்ரத் ஹசன் (ரலி)
2. ஹழ்ரத் ஹுஸைன் (ரலி)

104. முஹம்மது நபி (ஸல்) அவர்களின் கொள்ளு பேரர் பெயர் என்ன?
1. ஹழ்ரத் ஸைனுல் ஆபீதீன்

105. முஹம்மது நபி (ஸல்) அவர்களின் மறைவின் போது 
 திருக்குர்ஆன் எந்த நிலையில் இருந்தது?
தனித்தனி ஏடுகளில் எழுதப்பட்டும், சில நபித் தோழர்களால்  
  மனப்பாடம் செய்யப்பட்டும் இருந்தது.

106. முஹம்மது நபி (ஸல்) அவர்கள் காலத்திலும், நபித் தோழர்கள் காலத்திலும்; எந்த எழுத்துக்கள் புழக்கத்தில் இருந்தன?
கூஃபா நகர எழுத்துக்கள்

107. முஹம்மது நபி (ஸல்) அவர்கள் தங்கள் வீட்டை 
     சுற்றி முற்றுகையிட்டு வாளேந்தி நின்ற எதிரிகளின் பார்வையிலிருந்து
     தப்பிக்க ஓதிய வஸனம் எது?
  சூரா யாஸீனின் (அத்தியாயம் 361 வஜ்அல்னா என்று துவங்கும் (9வது)வசனமாகும்.

108. முஹம்மது நபி (ஸல்) அவர்களுக்கு யூதர்கள் செய்த சூன்யத்தை முறியடிக்க இறங்கிய சூராக்கள் எவை?
சூரத்துல் ஃபலக் மற்றும் சூரத்துன்னாஸ்.

109. முஹம்மது நபி (ஸல்)அவர்களுடைய சிறப்பு பெயர்கள் திருக்குர்ஆனில் எத்தனை கூறப்பட்டுள்ளது?
ஷாஹித், பஷீர், நதீர், தாஈ, ஹாதீ, ஸிராஜீம் முனீர் உட்பட 27 பெயர்களாகும்.

110. முஹம்மது நபி (ஸல்) அவர்களுக்கு கல்வி ஞானம் பெருக இறைவனே கற்றுக் கொடுக்கும் துஆ எது?
ரப்பி ஸித்னீ இல்மா. இறiவா எனக்கு கல்வி ஞானத்தை அதிகப்படுத்து வாயாக! என்ற துஆவாகும்.

111. முஹம்மது நபி (ஸல்) அவர்களுடைய எந்த துணைவியாரை பரிசுத்தப்படுத்தி நூர் என்ற அத்தியாயத்தில் 10வஸனங்கள் இறங்கியது?
அன்னை ஆயிஷா (ரலி) அவர்களை பரிசுத்தப்படுத்தி 10வஸனங்கள் இறங்கியது.

112. முஹம்மது நபி (ஸல்) அவர்களுடைய மாமனார்கள் யார்? யார்?
ஹழ்ரத் அபூபக்கர் ஸித்தீக் (ரலி) 
ஹழ்ரத் உமரிப்னு கத்தாப் (ரலி)

113. முஹம்மது நபி (ஸல்) அவர்களுடைய மருமகன்கள் 
  யார்? யார்?
   ஹழ்ரத் உஸ்மானிப்னு அஃப்வான் (ரலி) 
   ஹழ்ரத் அலிஇப்னு அபூதாலிப் (ரலி)
 ஹழ்ரத் அம்ருப்னு ஆஸ் (ரலி) ஆகியோராகும்.

114. முஹம்மது நபி (ஸல்) அவர்கள் காலத்தில் அரபு எழுத்துக்களில் புள்ளி (நுக்தா)கள் இருந்தனவா?
இல்லை.

115. முஹம்மது நபி (ஸல்) அவர்கள் திருக்குர்ஆனை கற்று பிறருக்கு
 கற்ப்பித்துக் கொடுப்பவர் பற்றி எவ்விதம் புகழ்ந்தார்கள்?
  அவர்தான் உங்களில் சிறந்தவர் என்றார்கள்.

116. முஹம்மது நபி (ஸல்) அவர்களின் மறைவுக்கு முன்பே முழு குர்ஆனையும் மனனம் செய்த பெண் ஸஹாபாக்கள் யார்? யார்?
நபிகள் நாயகம் (ஸல்) அவர்களின் துனைவிமார்களான அன்னை ஆயிஷா (ரலி) அன்னை ஹஃப்ஸா (ரலி) அன்னை உம்மு ஸலமா (ரலி) ஆகியோராகும்.

117. முஹம்மது நபி (ஸல்)அவர்களுக்கு எத்தனை ஆண்டுகள் மக்காவில் வஹீ இறங்கியது?
12 ஆண்டுகள் 5 மாதம் 13 நாட்கள்

118. முஹம்மது நபி (ஸல்)அவர்களுக்கு திருக்குர்ஆன் வஸனங்கள் மதினாவில்இறங்கி அருளப்பட எத்தனை வருடங்கள் ஆனது?
9 வருடங்கள் 9 மாதங்கள் 9 நாட்கள்

119. முஹம்மது நபி (ஸல்) அவர்கள் எந்த மனைவியரை அல்லாஹ்வின்
  கட்டளைப்படி திருமணம் செய்தார்கள்?
அன்னை ஸைனப் (ரலி) அவர்களையாகும்.

120. முஹம்மது நபி (ஸல்) அவர்கள் நடக்கிற பொழுது நிழல் கீழே  விழுமா?
 விழாது மேகம் அவர்களுக்கு நிழல் கொடுக்கும்.

121. முஹம்மது நபி (ஸல்) அவர்கள் எவ்வாறு பிறந்தார்கள்?
நபி (ஸல்) அவர்கள் சுன்னத் செய்யப்பட்ட நிலையிலேயும், ஸுஜுதிலே விழுந்த நிலையிலேயும், சுர்மாயிடப்பட்ட நிலையிலேயும் தம் ஆள்காட்டி விரலை வானின் பக்கம் உயர்த்திய நிலையிலேயும் பிறந்தார்கள்.

122. முஹம்மது நபி (ஸல்) அவர்களுக்கு எந்த குகையிலே 
முதன் முதலாக வஹீ இறங்கியது?
 ஹிரா என்ற குகையாகும்.

123. முஹம்மது நபி (ஸல்) அவர்களும், ஹழ்ரத் அபூபக்கர்
 ஸித்தீக் (ரலி) அவர்களும் ஒளிந்திருந்த குகை எது?
  ஸவ்ர் என்னும் குகையாகும்.

124. முஹம்மது நபி (ஸல்) அவர்களை கனவிலே கண்டால் 
  நம்பலாமா?
ஆம் முஹம்மது நபி (ஸல்) அவர்கள் கனவிலே கண்டால்; அது அவர்களே தான் ஏனெனில் அவர்களின் தோற்றத்திலே ஷைத்தான் வர மாட்டான் என நபியே சொல்லியுள்ளார்கள்.

125. முஹம்மது நபி (ஸல்) அவர்கள் இந்த உம்மத்திற்க்காக 
   செய்ய இருக்கிற மாபெரும் உபகாரம் எது?
  ஷஃபாஅத்  என்னும் பரிந்துரையாகும்.

முஹம்மது (சல்லல்லாஹு அலைஹி வசல்லம்) வினாடி - வினா 4

76. முஹம்மது நபி (ஸல்) அவர்கள் வாழ்ந்து கொண்டிருக்கும் போதே மரணித்த மனைவி யார்?
ஹழ்ரத் அன்னை ஸைனப் பின்து குஸைமா (ரலி) அன்ஹா

77. முஹம்மது நபி (ஸல்) அவர்களுக்கு முஹம்மது என பெயர் சூட்டியவர் யார்?
பாட்டனார் அப்துல் முத்தலிப் ஆகும்.

78. முஹம்மது நபி (ஸல்) அவர்கள் எந்த வயதில் மிஃராஜ் எனும் விண்ணுலக பயணம் மேற்க்கொண்டார்கள்?
நபி (ஸல்) அவர்கள் தங்களது 52வது வயதில் மிஃராஜ் எனும் விண்ணுலகப் பயணத்திற்கு அழைத்துச் செல்லப்பட்டார்கள்.

79. முஹம்மது நபி (ஸல்)அவர்களுக்கும் அன்னை கதீஜா (ரலி) அவர்களுக்கும் பிறந்த குழந்தைகள் யார்? யார்?
1. ஹழ்ரத் காஸிம் (ரலி)
2. ஹழ்ரத் அப்துல்லாஹ் (ரலி)
3. ஹழ்ரத் ஸைனப் (ரலி)
4. ஹழ்ரத் ருகைய்யா (ரலி)
5. ஹழ்ரத் பாஃத்திமா   (ரலி)
6. ஹழ்ரத் உம்மு குல்ஸும்  (ரலி)

80. முஹம்மது நபி (ஸல்) அவர்களுக்கு அவர்களின் அடிமையான மாரிய்யதுல் கிப்திய்யா (ரலி) அவர்கள் மூலம் பிறந்த குழந்தை யார்?
ஹழ்ரத் இப்ராஹீம் (ரலி) அவர்களாகும்

81. முஹம்மது நபி (ஸல்) அவர்கள் மக்காவை விட்டு மதீனாவுக்கு ஹிஜ்ரத்திற்காக வெளியேறிய போது அவர்களின் வயது என்ன?
53 ஆகும்

82. முஹம்மது நபி (ஸல்) அவர்கள் எப்போது ஹஜ் செய்தார்கள்?
ஹிஜ்ரி 10ம் ஆண்டு ஹஜ் செய்தார்கள்


83. முஹம்மது நபி (ஸல்) அவர்கள் எத்தனை ஸஹாபாக்களுடன் ஹஜ் செய்தார்கள்?
சுமார் ஒருலட்ச தோழர்களுடன் ஹஜ் செய்தார்கள்

84. முஹம்மது நபி (ஸல்) அவர்கள் கடைசியாக செய்த ஹஜ்ஜிக்கு என்ன பெயர் சொல்லப்படும்?
ஹஜ்ஜத்துல் வதா விடை பெறும் ஹஜ் என்று சொல்லப்படும்.

85. முஹம்மது நபி (ஸல்) அவர்களுடைய ஆண் மக்கள் 3 பேர்களும் எப்போது மரணமானார்கள்?
நபி (ஸல்) அவர்களுடைய 3ஆண் மக்களும் சிறு பிராயத்திலேயே மரணித்து விட்டார்கள். இன்னா லில்லாஹி...

86. முஹம்மது நபி (ஸல்) அவர்களின் பேச்சி எவ்வாறு இருந்தது?
ஆயிஷா (ரலி) அவர்கள் கூறியதாவது
'நபி (ஸல்) அவர்கள் உங்களைப் போன்று விரைவாகப் பேசக்கூடியவர்களாக இருந்ததில்லை அவர்களிடம் அமர்ந்திருப்பவர் மனனம் செய்யும் வண்ணம் இடைவெளிவிட்டு தெளிவாக அவர்களின் பேச்சு இருக்கும்.

87. முஹம்மது நபி (ஸல்) அவர்கள் அன்பளிப்புகளை ஏற்பார்களா?
நபி (ஸல்) அவர்கள் அன்பளிப்பை ஏற்ப்பவர்களாகவும், அதற்குப் பிரதியுபகாரம் செய்பவர்களாகவும் இருந்தார்கள்'.
88. முஹம்மது நபி (ஸல்) அவர்கள் இறந்தபின் அவர்களது புனித நெற்றியிலே முத்தமிட்ட ஸஹாபி யார்?
ஹழ்ரத் அபூபக்கர் ஸித்தீக் (ரலி) அவர்களாகும்.
89. முஹம்மது நபி (ஸல்) அவர்களின் குணம் எப்படி இருந்தது?
நபி (ஸல்) அவர்களின் குணம் குர்ஆனாகவே  இருந்தது.

90. முஹம்மது நபி (ஸல்) அவர்களின் தோழர்களுக்கு என்ன சொல்லப்படும்?
ஸஹாபாக்கள் என்று சொல்லப்படும்.

91. முஹம்மது நபி (ஸல்) அவர்களுக்கு அல்லாஹ் கொடுத்த மகத்தான மாபெரும் பாக்கியம் எது?
அல்லாஹ்வை நேரடியாக கண்கூடாக கண்ட மிஃராஜ் உடைய பாக்கியம் ஆகும்.

92. முஹம்மது நபி (ஸல்) அவர்கள் கடைசியாக சொன்ன வார்த்தை எது?
அல்லாஹும்ம ஃபிர்ரஃபீகில் அஃலா உயர்வான நண்பனின் பக்கம் சேரப் போகிறேன் என்ற வார்த்தையாகும்.


93. முஹம்மது நபி (ஸல்) அவர்களின் பொன்மொழிக்கு என்ன பெயர் சொல்லப்படும்?
அல் ஹதீஸ் என்று சொல்லப்படும்


94. முஹம்மது நபி (ஸல்) அவர்களின் குடும்பத்தார்களுக்கு என்ன சொல்லப்படும்?
அஹ்லபைத் என சொல்லப்படும்.


95. முஹம்மது நபி (ஸல்) அவர்களுக்கு எந்த போர்க்களத்தில் பற்கள் உடைந்தது?
உஹது போர்களமாகும்.


96. முஹம்மது நபி (ஸல்) அவர்களுக்கு மட்டும் பிரத்யோகமாக அல்லாஹ் கொடுத்த 6 சிறப்பு அம்சம் என்ன?
1. குறைந்த வார்த்;தைகள் மூலம் நிறைந்த கருத்துக்களை கூறும் வாக்குகள்.
2. என்னைக் கானும் எவரும் மரியாதையுடன் அஞ்சும் தன்மை கொடுத்தும் உதவப்பட்டுள்ளேன்.
3. யுத்தத்தில் கிடைத்த பொருட்களை உபயோகித்துக் கொள்ள எனக்கு அனுமதி வழங்கப்பட்டுள்ளது.
4. எங்கு வேண்டுமானாலும் தொழுவதற்கும் சுத்தம் செய்வதற்கும் எனக்கு இந்த பூமி ஆகுமாக்கப்பட்டுள்ளது.
5. படைப்புகள் அனைவருக்கும் பொதுவான முறையில் நான் தூதராக அனுப்பப்பட்டிருக்கிறேன்.
6. என்னைக் கொண்டு நபிமார்கள் வருகை முடிக்கப்பட்டுவிட்டது.


97. முஹம்மது நபி (ஸல்) அவர்கள் தம் வாழ்வில் எத்தனை முறை முடி வெட்டி உள்ளார்கள்?
4முறையாகும்.

98. முஹம்மது நபி (ஸல்;) அவர்களுக்கு முடி வெட்டும் நாவிதர் யார்?
கிதாஷ் என்பவர் ஆகும்.

99. முஹம்மது நபி (ஸல்) அவர்களின் கொடி எவ்வளவு உயரம் இருந்தது?
நபி(ஸல் அவர்களின் கொடி 12 அடி உயரம் இருந்தது.

100. முஹம்மது நபி (ஸல்) அவர்களின் வேர்வை எப்படி இருக்கும்?
நபி (ஸல்) அவர்களின் வேர்வையின் நறுமணத்தைப் போல் வேறு எந்த ஒரு கஸ்தூரியையும் நான் மணந்ததில்லை என அனஸ்(ரலி) சொன்னார்கள்.

முஹம்மது (சல்லல்லாஹு அலைஹி வசல்லம்) வினாடி - வினா 3

51. முஹம்மது நபி (ஸல்) அவர்கள் தூங்கும் முன் என்ன செய்வார்கள்?
நபி (ஸல்) அவர்கள் தூங்கும் போது இஸ்மித் என்ற சூர்மாவை பயன்படுத்துவார்கள் ஏனெனில் அவை பார்வையை கூர்மையாக்கும் இமை முடியை வளரச்செய்யும்.

52. முஹம்மது நபி (ஸல்) அவர்களின் விருப்பமான ஆடை எது?
நபி (ஸல்) அவர்களின் விருப்பமான ஆடை, சட்டையாகவே இருந்தது.

53. முஹம்மது நபி (ஸல்) அவர்களின் சட்டையின் கை எவ்வாறு இருந்தது?
நபி (ஸல்) அவர்களின் சட்டையின் கை மணிக்கட்டு வரை நீளமாக இருந்தது.

54. முஹம்மது நபி (ஸல்) அவர்களின் செருப்பு எவ்வாறு இருந்தது?
நபி(ஸல்) அவர்களின் செருப்பு இரண்டு வார்ப்பட்டையுடையதாக இருந்தது.

55. முஹம்மது நபி (ஸல்) அவர்கள் எதை தடை செய்தார்கள்?
நபி (ஸல்) அவர்கள் இடது கையால் சாப்பிடுவதையும், ஒரு செருப்பணிந்து நடப்பதையும் தடை செய்தார்கள்.

56. முஹம்மது நபி (ஸல்) அவர்களின் மோதிரம் எவ்வாறு இருந்தது?
நபி (ஸல்) அவர்களின் மோதிரம் வெள்ளியால் செய்யப்பட்டிருந்தது. அதன் மேல்பகுதியில் அபிஸீனியா நாட்டின் வேலைப்பாடு இருந்தது.

57. முஹம்மது நபி (ஸல்) அவர்களின் மோதிரத்தில் என்ன எழுதப்பட்டிருந்தது?
நபி (ஸல்) அவர்களின் மோதிரத்தில் 'முஹம்மது' என்ற ஒருவரியும் 'ரஸுல்' என்ற ஒருவரியும் 'அல்லாஹ்' என்ற ஒருவரியும் செதுக்கப்பட்டிருந்தது. 'நபி (ஸல்) அவர்கள் கழிப்பறைக்குச் சென்றால் தனது மோதிரத்தைக் கழற்றிவிடுவார்கள்'.

58. முஹம்மது நபி (ஸல்) அவர்கள் மோதிரத்தை எந்த கரத்தில் அணிந்தார்கள்?
நபி (ஸல்) அவர்கள் வலது கையில் மோதிரம் அணிபவர்களாக இருந்தார்கள்.

59. முஹம்மது நபி (ஸல்) அவர்களின் வாள் எவ்வாறு இருந்தது?
நபி (ஸல்) அவர்களின் வாளின் கைப்பிடி வெள்ளியாலாகியிருந்தது.

60. முஹம்மது நபி (ஸல்) அவர்கள் எந்த நிறத்;தில் தலைப்பாகை அணிந்திருந்தார்கள்?
நபி (ஸல்) அவர்கள் கருப்பு நிறத்தில் தலைப்பாகை அணிந்திருந்தார்கள்.

61. முஹம்மது நபி (ஸல்) அவர்கள் எவ்வாறு வேட்டி அணிந்திருந்தார்கள்?
நபி (ஸல்) அவர்கள் கெண்டை காலில் பாதி அளவு வரை வேட்டி அணிவார்கள்.

62. முஹம்மது நபி (ஸல்) அவர்கள் எவ்வாறு நடப்பார்கள்?
நபி (ஸல்) அவர்கள் நடக்கும்போது மேடான பகுதியிலிருந்து பள்ளமான இடத்தில் இறங்குவது போல் அடி எடுத்து வைப்பார்கள்.

63. முஹம்மது நபி (ஸல்) அவர்கள் எவ்வாறு அமருவார்கள்?
நபி(ஸல்) அவர்கள் பள்ளிவாசலில் அமர்ந்தால் இரு கைகளையும் முழங்காலில் கட்டிக் கொண்டவர்களாக அமருவார்கள்.

64. முஹம்மது நபி (ஸல்) அவர்கள் எவ்வாறு உணவருந்தமாட்டார்கள்?
நபி (ஸல்) அவர்கள் சாய்ந்து கொண்டு உணவருந்தமாட்டார்கள்.

65. முஹம்மது நபி (ஸல்) அவர்கள் சாப்பிட்டு முடித்த உடன் என்ன செய்வார்கள்?
நபி (ஸல்) அவர்கள் சாப்பிட்டு முடித்த உடன் விரல்களை மூன்று முறை சூப்புவார்கள்.

66. முஹம்மது நபி (ஸல்) அவர்கள் எதை விரும்பி சாப்பிடுவார்கள்?
நபி (ஸல்) அவர்கள் இனிப்புப் பண்டங்களை விரும்பி சாப்பிடுவார்கள்.

67. முஹம்மது நபி (ஸல்) அவர்கள் எந்த பழங்களை விரும்பி சாப்பிடுவார்கள்?
நபி(ஸல்) அவர்கள் பேரீத்தம்பழத்துடன் தர்பூசணியையும் சேர்த்துச் சாப்பிடுவார்கள்.

68. முஹம்மது நபி (ஸல்) அவர்கள் விரும்பிய குடிபானம்; எது?
இனிப்பும், குளிர்ச்சியும் உடையவை நபி (ஸல்) அவர்களுக்கு விருப்பமான பானமாக இருந்தது.

69. முஹம்மது நபி (ஸல்) அவர்கள் ஸம்ஸம் நீரை எவ்வாறு அருந்துவார்கள்?
நபி (ஸல்) அவர்கள் ஸம்ஸம் நீரை நின்று கொண்டு அருந்துவார்கள்.

70. முஹம்மது நபி (ஸல்) அவர்கள் அத்தர் விஷயமாக என்ன சொன்னார்கள்?
உங்களில் எவறுக்கேனும் நறுமணம் வழங்கப்பட்டால் அதை மறுக்க வேண்டாம் ஏனெனில் அது சொர்க்கத்திலிருந்து வந்ததாகும் என்றார்கள்.

71. முஹம்மது நபி (ஸல்) அவர்கள் கலந்து கொண்ட போர்கள் எத்தனை?
27 போர்களாகும்.

72. முஹம்மது நபி (ஸல்) அவர்களின் மனைவிமார்கள் எத்தனை பேர்? அவர்கள் யார்? யார்?
11 மனைவிமார்கள் ஆகும்
1. அன்னை கதீஜா     (ரலி)
2. அன்னை ஆயிஷா     (ரலி)
3. அன்னை உம்முசலமா (ரலி)
4. அன்னை சவ்தா (ரலி)
5. அன்னை ஹஃப்ஸா (ரலி)
6. அன்னை ஸைனப்பின்த் குஸைமா (ரலி)
7. அன்னை ஜுவைரிய்யா (ரலி)
8. அன்னை உம்மு ஹபீபா (ரலி)
9. அன்னை ஸஃபிய்யா (ரலி)
10. அன்னை மைமூனா (ரலி)
11. அன்னை ஸைனப்பின்த் ஜஹ்ஷ் (ரலி)

73. முஹம்மது நபி (ஸல்) அவர்கள் எந்த ஆண்டு வஃபாத்தானார்கள்?
ஹிஜ்ரி 11ம் ஆண்டு ரபீஉல் அவ்வல் 12ம் தேதி (கி.பி 632) திங்கட்கிழமை வஃபாத்தானார்கள்.

74. முஹம்மது நபி (ஸல்) அவர்கள் எங்கு நல்லடக்கம் செய்யப்பட்டார்கள்?
மதீனாவில் மஸ்ஜிதுன்னபவி பள்ளிவாசலினுள் அமைந்துள்ள அன்னை ஆயிஷா (ரலி) அவர்களின் அறையில் நல்லடக்கம் செய்யப்பட்டார்கள். இன்னா லில்லாஹி..

75. முஹம்மது நபி (ஸல்) அவர்கள் எந்த கிழமை நல்லடக்கம்  செய்யப்பட்டார்கள்?
புதன் கிழமை நல்லடக்கம் செய்யப்பட்டார்கள்

முஹம்மது (சல்லல்லாஹு அலைஹி வசல்லம்) வினாடி - வினா 2

26. முஹம்மது நபி (ஸல்) அவர்களின் தந்தை எப்போது இறந்தார்கள்?
முஹம்மது நபி (ஸல்) அவர்கள் தாயின் கர்ப்பத்தில் இருந்த போது தந்தை இறந்தார்கள்.

27. முஹம்மது நபி (ஸல்) அவர்களின் தாயார் இறந்தபோது முஹம்மது நபி (ஸல); அவர்களுக்கு வயது என்ன?
6 வயது ஆகும்.

28. முஹம்மது நபி (ஸல்) அவர்களின்; தாயார் இறந்த பிறகு முஹம்மது நபி (ஸல்) அவர்கள் யாருடைய பொறுப்பில் வளர்ந்தார்கள்?
பாட்டனார் அப்துல் முத்தலிபின் பொறுப்பில் வளர்ந்தார்கள்.

29. முஹம்மது நபி (ஸல்) அவர்களின் பாட்டனார் இறந்தபோது முஹம்மது நபி (ஸல்) அவர்களுக்கு வயது என்ன?
9 வயது ஆகும்.

30. முஹம்மது நபி (ஸல்) அவர்களின் பாட்டனார் இறந்த பிறகு முஹம்மது நபி (ஸல்) அவர்கள் யாருடைய பொறுப்பில் வளர்ந்தார்கள்?
சிறிய தந்தை அபூதாலிபின் பொறுப்பில் வளர்ந்தார்கள்.

31. முஹம்மது நபி (ஸல்)  அவர்கள் இறைவழிபாட்டிற்காக தங்கியிருந்த குகையின் பெயர் என்ன?
ஹிரா குகை ஆகும்.

32. முஹம்மது நபி (ஸல்) அவர்களுக்கு எந்த வயதில் நபிப்பட்டம் கிடைத்தது?
40வது வயதில்

33. முஹம்மது நபி (ஸல்) அவர்களுக்கு நபித்துவம் கொண்டு வந்த வானவர் யார்?
ஹழ்ரத் ஜிப்ரயீல் (அலை) அவர்கள்.

34. முஹம்மது நபி (ஸல்) அவர்களுக்கு முதன்முதலில் இறங்கிய குர்ஆன் வாசகம் எது?
இக்றஃ பிஸ்மிரப்பிக்க என்பதாகும்.

35. முஹம்மது நபி (ஸல்)  அவர்கள் நபிப்பட்டம் கிடைத்த பிறகு எத்தனை ஆண்டுகள் மக்காவில் தங்கியிருந்தார்கள்?
13 ஆண்டுகள்

36. முஹம்மது நபி (ஸல்) அவர்கள் மக்காவிலிருந்து மதினா சென்ற நிகழ்ச்சிக்கு பெயர் என்ன?
ஹிஜ்ரத் ஆகும்.

37. முஹம்மது நபி (ஸல்) அவர்கள் ஹிஜ்ரத் சென்ற போது உடன் சென்ற ஸஹாபி யார்?
ஹழ்ரத் அபூக்கர் ஸித்தீக் (ரலி) அவர்கள்

38. முஹம்மது நபி (ஸல்) அவர்கள் மதீனா சென்ற பிறகு முதன் முதலில் கட்டிய பள்ளிவாசல் எது?
மஸ்ஜிதுன்னபவீ ஆகும்.
39. முஹம்மது நபி (ஸல்) அவர்கள் எத்தனை ஆண்டுகள் மதீனாவில் தங்கியிருந்தார்கள்?
10 ஆண்டுகள்.

40. முஹம்மது நபி (ஸல்) அவர்கள் எத்தனை வயதில் இவ்வுலகை விட்டும் மறைந்தார்கள்?
63ம் வயதில்

41. முஹம்மது நபி (ஸல்) அவர்களின் மறைவிற்குப்பிறகு இஸ்லாமிய ஆட்சியின் முதலாவது கலீஃபா யார்?
ஹழ்ரத் அபூபக்கர் சித்தீக் (ரலி) அவர்கள்



42. முஹம்மது நபி (ஸல்) அவர்களின் மறைவிற்குப்பிறகு இஸ்லாமிய ஆட்சியின் இரண்டாவது கலீஃபா யார்?
ஹழ்ரத் உமர் (ரலி) அவர்கள்.

43. முஹம்மது நபி (ஸல்) அவர்களின் மறைவிற்குப்பிறகு இஸ்லாமிய ஆட்சியின் மூன்றாவது கலீஃபா யார்?
ஹழ்ரத் உஸ்மான் (ரலி) அவர்கள்

44. முஹம்மது நபி (ஸல்) அவர்களின் மறைவிற்குப்பிறகு இஸ்லாமிய ஆட்சியின் நான்காவது கலீஃபா யார்?
ஹழ்ரத் அலி (ரலி) அவர்கள்

45. முஹம்மது நபி (ஸல்) அவர்களின் பிள்ளை செல்வங்கள் எத்தனை?
7 ஆகும்.


46. முஹம்மது நபி (ஸல்) அவர்களின் ஆண் மக்கள் யார்? யார்?
1. ஹழ்ரத் அப்துல்லாஹ் (ரலி)
2. ஹழ்ரத் இப்ராஹீம் (ரலி)
3. ஹழ்ரத் காசிம் (ரலி)

47. முஹம்மது நபி (ஸல்) அவர்களின் பெண் மக்கள் யார்? யார்?
1. ஹழ்ரத் ஸைனப் (ரலி) அன்ஹா
2. ஹழ்ரத் ருகைய்யா (ரலி) அன்ஹா
3. ஹழ்ரத் உம்மு குல்ஸும் (ரலி) அன்ஹா
4. ஹழ்ரத் பாத்திமா (ரலி) அன்ஹா

48. முஹம்மது நபி (ஸல்) அவர்களின் வம்சம் எது?
குரைஷி வம்சமாகும்.

49. முஹம்மது நபி (ஸல்) அவர்களுக்கு தலையிலும் தாடியிலும் எத்தனை நரைமுடிகள் இருந்தது?
14 நரைமுடிகள் இருந்தது.

50. முஹம்மது நபி (ஸல்) அவர்களின் தலைமுடி எவ்வாறு இருந்தது?
நபிகளாரின் தலைமுடி இரு காதுகளின் பாதிவரை இருந்தது.

முஹம்மது (சல்லல்லாஹு அலைஹி வசல்லம்) வினாடி - வினா 1

1. முஹம்மது நபி (ஸல்) அவர்களின் திருப்பெயரின் அர்த்தம் என்ன?
புகழுக்குறியவர் என்பதாகும்.

2. முஹம்மது நபி (ஸல்) அவர்களின் பெயர்கள் திருக்குர் ஆனில் எத்தனை முறை வருகிறது?
நான்கு தடவை வருகிறது.

3. முஹம்மது நபி (ஸல்) அவர்கள்; கடைசியாக செய்த செயல் எது?
மிஸ்வாக் (குச்சியால் பல் துலக்கினார்கள்)

4. முஹம்மது நபி (ஸல்) அவர்கள் எந்த ஆடையை விரும்பினார்கள்?
நபி (ஸல்) வெண்ணிற ஆடையை அதிகம் விரும்பியுள்ளார்கள் பச்சைநிற ஆடையையும் விரும்பியுள்ளார்கள்.

5. முஹம்மது நபி (ஸல்) அவர்களின் பண்பு  எப்படி இருந்தது?
மிக உயர்ந்த பண்புடனும், குர்ஆனுக்கு முன்மாதிரியாகவும்  இருந்தது.


6. முஹம்மது நபி (ஸல்)அவர்களின் பெரிய அற்புதம் எது?
 அல்குர்ஆன் அகும்.


7. முஹம்மது நபி (ஸல்) அவர்கள்; எந்த பொருளை மறுக்க கூடாது என்றார்கள்?
தலையணை, எண்ணை, நறுமணப் பொருள், பால்

8. முஹம்மது நபி (ஸல்) அவர்கள் பிறப்பதற்கு முன் அவர்களுக்கு இறைவன் வைத்த பெயர் என்ன?
அஹ்மது என்ற பெயராகும்.

9. முஹம்மது நபி (ஸல்) அவர்கள் இவ்வுலகில் பிறந்த பின் இறைவன் வைத்த பெயர் என்ன?
முஹம்மது  என்ற பெயராகும்.

10. முஹம்மது நபி (ஸல்) அவர்கள் மறைந்த பின் மறுமையில் இறைவன் வைக்கும் பெயர் என்ன?
மஹ்மூது  என்ற பெயராகும்.


11. முஹம்மது நபி (ஸல்) அதிகம் விரும்பிய காய் எது?
சுரைக்காய் ஆகும்.

12. முஹம்மது நபி (ஸல்) அவர்கள் விரும்பிய எண்ணை எது?
ஜைத்தூண் எண்ணையாகும்.

13. முஹம்மது நபி (ஸல்) அவர்கள்; விரும்பிய நிறம் எது?
பச்சை நிறம் ஆகும்.

14. முஹம்மது நபி (ஸல்) அவர்கள்; பயன்படுத்திய சுர்மா என்ன?
இஸ்மித் என்ற சுர்மாவாகும்.

15. முஹம்மது நபி (ஸல்) அவர்கள்; அதிகம் விரும்பிய நறுமணம் எது?
கஸ்தூரி மற்றும் ஊது ஆகும்.

16. முஹம்மது நபி (ஸல்) அவர்களுக்கு பிடித்த மாமிசம் எது?
ஆட்டின் முன்சப்பைக் கறி ஆகும்.

17. முஹம்மது நபி (ஸல்) அவர்களின் சுத்தம் எப்படிப்பட்டது?
தூய்மையான ஆடை அணிவார்கள் தினசரி மிஸ்வாக் செய்வார்கள், நறுமணம் பூசுவார்கள். சுர்மா இடுவார்கள், தலைமுடி மற்றும் தாடியை சீப்பினால்; வாறுவார்கள்.

18. முஹம்மது நபி (ஸல்) அவர்களின் கப்ரை கட்டியது யார்?
ஹழரத் ஆபூதல்ஹா  அன்ஸாரி (ரலி) அவர்களாகும்.

19. முஹம்மது நபி (ஸல்) அவர்களின் உம்மத்தாருக்கு ஸலாம் சொல்லி அனுப்பிய நபி யார்?
மிஃராஜ் பயணத்தின் போது நபி இப்ராஹீம் (அலை) அவர்கள் ஸலாம் சொல்லி அனுப்பினார்கள்.

20. முஹம்மது நபி (ஸல்) அவர்கள் கலந்து கொண்ட போருக்கு என்ன சொல்லப்படும்?
ஙஸ்வா என சொல்லப்படும்.

21. முஹம்மது நபி (ஸல்) அவர்கள் கலந்து கொல்லாத போருக்கு என்ன சொல்லப்படும்?
ஸரிய்யா என்று சொல்லப்படும்

22. முஹம்மது நபி (ஸல்) அவர்கள் பிறந்த ஆண்டு எது?
கி.பி 571 ஆகும்.

23. முஹம்மது நபி (ஸல்) அவர்களின் பெற்றோர் பெயர் என்ன?
தந்தை பெயர் அப்துல்லாஹ் (ரலி) அவர்கள்
தாயார் பெயர் ஆமினா உம்மா (ரலி) அவர்கள்

24. முஹம்மது நபி (ஸல்) அவர்களின் பாட்டானார் பெயர் என்ன?
அப்துல் முத்தலிபு ஆகும்.

25. முஹம்மது நபி(ஸல்) அவர்களுக்கு பாலூட்டிய தாயார் யார்?
ஹ்ழரத் ஹலீமத்துஸ்ஸஃதிய்யா (ரலி) அவர்கள்

நாயகம் (ஸல்)- சிறு குறிப்பு

பிறந்தஆண்டு கி.பி.570 ஏப்ரல் 22 ரபீயுல் அவ்வல் பிறை 12 திங்கள் கிழமை

மறைந்த ஆண்டு ஹிஜ்ரி 11 கி.பி.630 ஜூன் 9

முதல் திருமணத்தின் வயது 25

மொத்தம் மனைவிமார்கள் 11

ஆண் பிள்ளைகள்-3 காசிம் (ரலி), அப்துல்லாஹ் (ரலி), இபுறாஹீம் (ரலி)
பெண் பிள்ளைகள்-4 ஜைனப் (ரலி), உம்மு குல்ஸூம் (ரலி), ருகையா (ரலி) ஃபாத்திமா (ரலி)

மருமகன்கள் உஸ்மான் (ரலி), அலி (ரலி),
அபுல் ஆஸ் (ரலி)

கலந்து கொண்ட போர்கள் 19

மக்காவில் நபித்துவத்திற்குப் பின் தங்கியிருந்த ஆண்டுகள் 13
வயது 63

நினைவு யாவும் உங்கள்மீது யா ரசூலல்லாஹ்

நினைவு யாவும் உங்கள்மீது யா ரசூலல்லாஹ்
நீங்களின்றி நாங்களேது யா ரசூலல்லாஹ்
அணைந்திடாத உலகஜோதி யாய்த் தோன்றி
அகில மெங்கும் ஒளிதெளித்த யா ரசூலல்லாஹ்

         (-நினைவு)

மதீனா நகர்க் கொருநாள் நான்வருவேன்
மன்னவர் பூவடி கண்ணால் தொடுவேன்
நதியென அருட்கடலில் நான் விழுவேன்
நபியே கதியென்றங்கு நான் அழுவேன்
எந்தன் மீது உங்கள் பார்வை பட்டநேரமே
பிந்திடாமல் பிரிய வேண்டும் இந்த ரூஹுமே !

                (-நினைவு)

காணும் வரையில் கண்கள் தூங்காது !
காதலில் எந்த நெஞ்சம் ஏங்காது !
வானில்லாமல் நிலம் வாழாது
வாடல் தொடர உள்ளம் தாங்காது !
ஒளியைத் தேடும் விட்டிலாக நானும் மாறுவேன்
உம்மத்தென்ற பெருமையோடு வந்து சேருவேன் !

                 (-நினைவு)

உலகில் வாழவந்த உயிர்கள் யாவும்
உம்மி ரசூலே உங்கள் புகழ்பாடும் !
அருளாய் வந்திலங்கும் மறைமூலம்
அல்லாஹு போற்றும் மனித அனுகூலம் !
இரண்டு வாழ்வின் பொருளைச் சொன்ன இதயதீபமே
இறுதித் தூதராகவந்த இறையின் ஞானமே !

          (-நினைவு)

அகிலம் கண்ட அதிசய பேரொளி

''அரபுப் பாலைவனத்தில் அரிய மாணிக்கம் ஒன்று கண்டெடுக்கப்பட்டுள்ளது;
அதன் ஒளி அகிலமனைத்தையும் ஆட்கொண்டுள்ளது ''

என்றான் ஆங்கிலக் கவிஞன்.

ஆம் உண்மைதான். ஆதம் அலைஹிஸ் சலாம் மண்ணிற்கும் தண்ணீருக்குமிடையில் இருக்கும்போதே ஒளியாக பிரகாசித்த பெருமானாரின் ஜோதி, பிறப்பின்போதும் காட்சி வழங்கி, வாழ்க்கையில் பல கட்டங்களில் பலருக்கும் பயன் தந்தது. அந்த வரலாற்றை தொடர் கட்டுரையாக காண்போம்.

கேலி செய்தோருக்கு கிடைத்த கூலி

அமெரிக்க சாத்தான் தயாரித்துள்ள திரைப் படத்தில் நபியவர்களை வன்முறையாளர் என்றும் பெண் பித்தர் என்றும் தவறாக சித்தரித்துள்ளான். நவூது பில்லாஹ்.

யார் வன்முறையாளர்? 

ஒரு ஒட்டகம் தண்ணீர் குடித்த விஷயத்திற்காக 120 வருட காலமாக பரம்பரை பரம்பரையாக சண்டை போட்டு வெட்டிக் கொண்டும் குத்திக்கொண்டும் மாண்டுகொண்டிருந்தவர்களை 

நபிவழியில் நம் நடைமுறை

உலகில் எத்தனையோ புரட்சியாளர்கள் சீர்திருத்தவாதிகள் தோன்றியுள்ளனர் மறைந்துள்ளனர். அவர்களில் யாரும் தன் மரணத் தருவாயில் இப்படிச் சொன்னதில்லை: எனக்குப் பின்னால் என் வாழ்வை விட்டுச் செல்கிறேன் அதை அப்படியே பின்பற்றுங்கள் வெற்றி பெறலாம். இப்படி சொல்லும் அளவுக்கு யாருடைய வாழ்வும் முழுத் தகுதிள்ளதாக அமையவில்லை. ஆனால் அருமை நாயகம் (ஸல்) அவர்கள் தன் இறுதி காலத்தில் இப்படி கூறினார்கள்: நான் இரண்டை உங்களிடம் விட்டுச் செல்கிறேன் ஒன்று அல்லாஹ்வின் திருமறை மற்றொன்று எனது வழிமுறை இவற்றை யார் பின்பற்றி நடக்கிறாரோ அவர் வழிதவறமாட்டார்.

மஹர் (மணக் கொடை)

மஹர் என்பது திருமணம் முடிக்கும் மணமகன், மணமகளுக்கு வழங்கும் கொடையாகும். அதை வழங்காமல் அவளைத் தொட்டால் மறுமயில் அவன் விபச்சாரியாக அல்லாஹ்வை சந்திப்பான்'' என்று நபிகள் நாயகம் (ஸல்) அவர்கள் கூறியுள்ளார்கள்.

மஹர் வசதிக்கேற்றவாறு வழங்கலாம்.

 1. பணம்

 நபிகள் நாயகம்(ஸல்) அவர்கள் தங்கள் மனைவியருக்கு 12.5 ஊகியா (சுமார் 500 திர்ஹம் அதாவது 6500 ருபாய் வரை) மஹர் வழங்கியதாக அன்னை ஆயிஷா (ரலி) அவர்கள் தெரிவிக்கிறார்கள்:
 (முஸ்லிம்,அபூதாவூது,அஹ்மத்,நஸயீ,இப்னுமாஜா.

 2. நகை (தங்கம், இரும்பு)

 நாயகத் தோழர் அப்துர் ரஹ்மான இப்னு அவ்ஃப்(ரலி) அவர்கள் தங்கத்தில் ஒரு சிறு அளவை தம் மனைவிக்கு மஹராகக் கொடுத்தார்கள்.
 ( புகாரி.)

 ஒரு இரும்பு மோதிரத்தையாவது மணப்பெண்ணுக்கு மஹராகக் கொடுத்து மணமுடியுங்கள் என நபி(ஸல்) அவர்கள் எங்களுக்கு கட்டளையிட்டார்கள்.
 (புகாரி, முஸ்லிம்.)

 3. தோட்டம்

 ஸாபித் இப்னு கைஸ்(ரலி) அவர்களின் மனைவி ஒரு தோட்டத்தையே மஹராகப் பெற்றிருந்தார் (சுருக்கம்)
 ஆதாரம்: புகாரி, நஸயீ.

 4. கல்வி புகட்டல்

 அண்ணல் நபி (ஸல்) அவர்கள் நாயகத் தொழர் ஒருவர் மஹர் கொடுக்க வசதியே இல்லாதபோது அவருக்குத் தெரிந்த குர்ஆனின் சில அத்தியாயங்களை மணப்பெண்ணுக்குக் கற்றுக் கொடுப்பதையே மஹராக நிர்ணயித்தார்கள்.
  ஆதாரம்: புகாரி, முஸ்லிம்.


 5. அடிமைத்தழையிலிருந்து விடுதலை

 ஒரு அடிமையை உரிமைவிட்டு அதையே மஹராக அறிவித்தார்கள் நபியவர்கள்.

 அனஸ் (ரலி) அறிவிக்கிறார்கள்.
 பெருமானார்(ஸல்) அவர்கள் ஸபிய்யா என்னும் பெண் போர்க்கைதியை விடுதலை செய்து அதையே மஹராக அவர்கள் மணந்து கொண்டார்கள்.


 6. இயலாதோருக்கு காலணிகள், பேரீத்தம் பழங்கள்

 இயலாதோருக்கு காலணிகள், பேரீத்தம் பழங்கள், துணிமணிகள் தேவiயான பொருட்கள் போன்றவற்றையும் மஹராக வழங்கலாம் என்பதை நபிமொழிகள் அறிவிக்கின்றன.

 ஒரு பெண்மணிக்கு காலணிகளை வழங்கி திருமணம் செய்ய அனுமதித்துள்ளார்கள்.

 ஆதாரம்: திர்மிதி, அஹ்மத், இப்னுமாஜா.


 7. இஸ்லாத்தை தழுவுதல்

 இஸ்லாத்தை ஏற்றுக் கொள்வதையே மஹராக நிர்ணயித்திருப்பதை இஸ்லாம் வரவேற்கிறது.

 நாயகத்தோழி உம்மு ஸுலைம் (ரலி) அவர்கள், அபூதல்ஹா என்பவர் தம்மை மணம் செய்ய விரும்பியபோது ‘நீர் முஸ்லிமானால் அதுவே எனக்கு மஹராகும் அதைத்தவிர வேறு எதையும் மஹராகக் கேட்க மாட்டேன்’ எனக் கூறினார்கள்.

 ’இஸலாத்தை ஏற்பதையே மஹராக இருந்தது’ என அவரது மகன் அனஸ் (ரலி) அவர்கள் அறிவிக்கிறார்கள்.
 ஆதாரம்: நஸயீ.

 (இஸ்லாத்தை தழுவுவதே தனக்கு மஹராகும் என உலகில் அறிவித்த ஓரே பெண் இவர்தான் என்பது குறிப்பிடத்தக்கது.)

 மஹரின் உரிமை

 பெண்தான் மஹரைக் கேட்க வேண்டும். அந்த உரிமையை இஸ்லாம் அவளுக்கு வழங்கியுள்ளது. மணமகன் மஹ்ரை கொடுக்கக் கடமைப்பட்டிருப்பதால் அவள் கேட்கும் தொகையை அவன் கொடுத்தாக வேண்டும்.
 உம்மு ஸுலைம்(ரலி) அவர்களே மஹரை முடிவு செய்த ஹதீஸ் மூலம் மஹரை தீர்மானிக்கும் உரிமை பெண்களுக்கே உரியது என்;பதை புரிந்து கொள்ளலாம்.

 மஹரின் அளவு
 எதையும் எளிதாகச் செய்ய வேண்டுமென விரும்பும் இஸ்லாம், மஹரையும் குறைவாக இருப்பதே சிறப்பிற்குரியது. அது எளிய மக்களுக்கு ஒரு சுமையாகி விடக்கூடாது என்பதில் எச்சரிக்கையாக இருக்கிறது.
 ’குறைவான மஹரே மிகச் சிறந்தது’ என நபிகள் (ஸல்) அவர்கள் குறிப்பிடுள்ளதாக உக்பத் இப்னு ஆமிர்(ரலி) அறிவிக்கின்றார்கள்.
 ஆதாரம்: அபூதாவூது. ஹாக்கிம்.
 எனினும் அவரவர் வசதிக்கேற்ப கொடுப்பதில் தவறில்லை இருப்பவர் தாராளமாகக் கொடுக்கலாம்.
 இரும்பு மோதிரம் முதல் தங்கப்புதையல் வரை கொடுக்கலாம்.
 ஒரு (கின்தாரை) பொற்குவியலை (மஹராகக்) கொடுத்தாலும் அதிலிருந்து எதையும் எடுக்காதீர்கள் அல்குர்ஆன் 4:20 என்ற வசனத்தின் மூலம் ஒரு பொற்குவியலையும் மஹராக வழங்கலாம் எனத் தெரிந்து கொள்ளலாம்.

                                                         

சகோதரர்களே! இந்த பதிவைப் பற்றி உங்கள் கருத்தை இங்கே இட்டுச் செல்லலாமே!