ஹக்கம் என்னும் அரசன் ஸ்பெயினை ஆண்டு கொண்டிருந்த காலம்.
ஒருநாள் அவர் நகரை வலம் வந்தபோது ஒரு அழகான நிலத்தைப் பார்த்தார். அதனால் கவரப்பட்ட அவர் அந்த இடத்திலே தமக்கென மாளிகை ஒன்றை கட்டிக் கொள்ள விரும்பினார்
அந்த நிலம் ஒரு கிழவிக்கு உரியது. அதிலே ஒரு குடிசை அமைத்து குடியிருந்தாள். அந்த நிலத்திற்கு நியாமான ஒரு விலையைக் கொடுக்க அரசர் முன்வந்தார் அக்கிழவி விற்க மறுத்துவிட்டாள். 'தன் கணவரோடு வாழ்ந்த குடிசையே தனக்கு அரண்மனை' என்றாள்.
அரசருக்கு ஆத்திரம் வந்தது.
பெங்களூர் சாம்ராஜ் பேட்டை வால்மீகி நகரில் டாக்டர் அமானுல்லாஹ்கான் மருத்துவமனை மிக பிரபல்யமாந்து. பொதுவாக தனியார் மருத்துமனைகளில் பல காசு பிடுங்குவதில்தான் குறியாக இருக்கும். ஏழையாக இருந்தாலும் கராராக நடந்துகொள்வதைப் பார்த்திருக்கிறோம்.ஆனால் இந்த மருத்துவமனையோ வித்தியாசமானது. ஏழைகளின் மீது இரக்கம்படுவதால் இங்கு எப்போதும் கூட்டம்மொய்த்துக்கொண்டே இருக்கும். டாக்டர் அமானுல்லாஹ் கான் மட்டுமின்றி மனைவி நவீதா பானுவும் டாக்டர். மூத்த மகன் நவாஸ் ரஷீதும் டாகடர்தான். இளைய மகன் நிஜாம் ரஷீதும் கோலார் மருத்துவக் கல்லூரியில் நான்காம் ஆண்டு MBBS படித்து வருகிறார். குடும்பமே டாக்டர் மயம்தான். பெங்களூரே மெச்சும் வகையில் இந்த குடும்பம் மகிழ்ச்சியாக இருந்து வந்தது.
இருக்கும் மகிழ்ச்சி சொகுசாக வாழவேண்டிய இந்த டாக்டர் இன்னும் மகிழ்ச்சியாக வாழ ஆசைப்பட்டு வங்கியில் இரண்டு கோடி ரூபாய் கடன் வாங்கி மருத்துவமனையை நான்கு மாடி கொண்டதாக விரிவு படுத்தினார். மகன் நவாஸ் ரஷீதுக்கு தனியாக ஒரு கிளினிக் வைத்துக் கொடுத்தார். இந்த நிலையில் தனது மருத்துவமனையை வைத்து மேலும் மூன்றரை கோடி ரூபாய் கடன் பெற்றார். மருத்துவ உபகரணங்கள் வாங்க பல மருந்துக் கம்பெனிகளிடமும் கடன் பெற்றார்.
எப்பொழுதுமே கடன் வாங்கும்போது மகிழ்ச்சியாகத்தான் இருக்கும் அதைத் திரும்பச் செலுத்தவேண்டிய கட்டம் வரும்போது ஏற்படும் மரண அவஸ்தை இருக்கிறதே அதை சொல்லி மாளாது. இப்பொழுது டாக்டர் அமானுல்லாஹ் கானுக்கு ஏற்பட்ட கடன் வட்டியாக குட்டி போட்டு கழுத்தை நெரிக்க முற்பட்டது பலரின் வஞ்சக பேச்சுகளால் வசாமாக மாட்டிக் கொண்ட இந்த பரிதாப குடும்பம் வேறு வழி தெரியாமல் தவித்தது. கடைசியில் ஒருவருக்கொருவர் விச ஊசி போட்டுக்கொண்டு உலகத்தை விட்டே விடைபெற்றுக் கொண்டனர்.
நிச்சயமாக அல்லாஹ் மனிதர்களுக்கு எவ்வித அநியாயமும் செய்யமாட்டான். எனினும் மனைதர்கள் தமக்குத் தாமே அநியாயம் செய்துகொள்கின்றனர். (அல்குர்ஆன் 44:16)
يمحق الله الربا ويربي الصدقات والله لا يحب كل كفار أثيم
يمحق الله الربا ويربي الصدقات والله لا يحب كل كفار أثيم ) روى ابن أبي حاتم من طريق الحسن قال ذاك يوم القيامة يمحق الله الربا يومئذ وأهله . وقال غيره : المعنى أن أمره يئول إلى قلة . وأخرج ابن أبي حاتم من طريق مقاتل بن حيان قال : " ما كان من ربا وإن زاد حتى يغبط صاحبه فإن الله يمحقه " وأصله من حديث ابن مسعود عند ابن ماجه وأحمد بإسناد حسن مرفوعا : " إن الربا وإن كثر عاقبته إلى قل " وروى عبد الرزاق عن معمر قال : سمعنا أنه لا يأتي على صاحب الربا أربعون سنة حتى يمحق .
சகோதரர்களே! இந்த பதிவைப் பற்றி உங்கள் கருத்தை இங்கே இடலாமே! அல்லது கீழ்காணும் தளங்களில் பகிர்ந்து விட்டுச் செல்லலாமே!
தல்ஹா (ரலி) அவர்களுக்கு நஃபில் தொழுகையில் பைரஹா தோட்டத்தின் நினைவு வந்ததால் அந்த தோட்டத்தையே வக்ஃபு செய்து விட்டார்கள். தொழுகைக்கு இடையூறென்றால் அப்படி ஒரு தோப்பே வேண்டாம் என்பது அவர்களின் நிலை. இன்று நமக்கு ஃபர்ளு தொழுகையில் கடை அல்லது தோட்டம் நினைவுக்கு வருமானால் அதை வக்ஃபு செய்யத் துணிவோமா?
ஆரம்பத்தில் சஹாபாக்கள் பசியின் காரணமாக தொழுகையில் நிற்கும்போது மயங்கி விழுந்தார்கள் . இன்று நாம் வயிறு நிரம்ப சாப்பிட்டதினால் ''உண்ட மயக்கம் தொண்டனுக்கும் உண்டு'' என்று உறங்கி தொழுகையை விட்டுவிடுகிறோம்.
சஹாபாக்கள் தொழுகை சஃப்பில் சிறிது நேரம் நின்று விசாலமான ரிஸ்கைப் பெற்றுக் கொண்டார்கள். இன்று நாம் ரேஷன் பலமணி நேரம் நின்றும் ஒரு கிலோ சர்க்கரை 2 லிட்டர் மண்ணெண்ணை பெறுகிறோம். தொழுகை சஃப்பில் நிற்க தயாரில்லை.
சஹாபாக்கள் நான்கு பைசா சம்பாதிக்க நாலாயிரம் மஸ்அலாக்களை விசாரித்தறிவார்கள். நாம் நாலாயிரம் ரூபாய் சம்பாதிக்க நான்கு மஸ்அலாக்களைக்கூட விசாரிப்பதில்லை.
சஹாபாக்கள் பைத்துல் முகத்தசை பார்வையை தாழ்த்தி நடக்கும் ஒரு சுன்னத்தை உயிர்ப்பித்ததின் மூலம் இரத்தம் சிந்தாமல் வெற்றி கொண்டனர். இன்று பல லட்சம் பேர் இரத்தம் சிந்தி பயங்கர ஆயுதங்களைப் பயன்படுத்தி போர் புரிந்தும் அதை வெற்றிகொள்ள முடியவில்லை.
அன்று ஒரு முஹத்திஸ் மையை உலர்த்த தான் வாடகைக்கு இருந்த வீட்டின் சுவற்றிலிருந்து ஒரு சிட்டிகை மண்ணைக் கூட எடுக்க பயந்தார்; இன்று வாடகை வீட்டில், வந்ததுமே வீடு எனக்கே சொந்தம் என்கின்றனர். எப்படியும் வெளியேற்றவேண்டுமானால் பகிடி கொடுக்காமல் ஒரு அடி கூட எடுத்து வைக்கமாட்டேன் என்கின்றனர்.
அன்று தஸ்பீஹ் ஓதியதால் உள்ளங்கள் பிரகாசம் அடைந்தன. இன்று தஸ்பீஹ்தான் பிரகாசிக்கிறது (ஏனெனில் அது ரேடியம் தஸ்பீஹ்) ஆனால், உள்ளங்கள் என்னவோ இருட்டாகவே கிடக்கிறது.
அன்றைய முஸ்லிம்கள் ஈமானுக்காக அரச பதவியையும் உதறித் தள்ளினார்கள். ஆனால் இன்று நாம் ஒரு பியூன் வேலைக்காக ஈமானையும் உதறித் தள்ள தயார். தட்டு கழுவும் வேலைக்காக தாடியை தவிர்க்கவும் தயார்.
அன்று சஹாபாக்கள் கடையிலும் அல்லாஹ்வை தியானித்தனர்.ஆனால் இன்று நாம் தொழுகையிலும் கடையைப் பற்றி நினைக்கிறோம்
சஹாபாக்கள் சபிக்கப்பட்ட பஜார்களையும் பள்ளியின் சூழ்நிலைபோல் மாற்றினார்கள். ஆனால் இன்று நாம் பள்ளிகளையும் பஜாரைப்போல் ஆக்கிவிட்டோம்;சந்தைக் கடைபோல் ஆக்கி சந்தி சிரிக்க வைத்துவிட்டோம்
அன்று காட்டில் ஆட்டிடையன்கூட அல்லாஹ் என்னைப் பார்க்கிறான் என்று பயந்து ஆட்டை மோசடியாக விற்கவில்லை. இன்று பள்ளிக்கு வந்தே செருப்பைத் திருடி விற்று வயிறு வளர்க்கின்றனர்.
அன்று இரவின் இருட்டில் தனிமையில் பாலில் தண்ணீர் கலக்க தாய் சொன்னபோதும் அல்லாஹ் பார்க்கிறான்;அப்படி செய்யக்கூடாது'' என ஒரு பெண் சொன்னாள்; இன்று பட்டப் பகலில் பலர் பார்த்துக்கொண்டிருக்கும்போதே பாலில் தண்ணீரையல்ல; தண்ணீரில் பாலை கலந்துவிடுகின்றனர்.
அன்று ஒரு தாய், இறந்து போன தன் சின்னஞ்சிறு மகனை இரண்டு ரகஅத் தொழுது இறைஞ்சி எழுப்பிக் காட்டினார். இன்று நமது பிள்ளைகளை சுபுஹுக்கு எழுப்ப முடிகிறதா?
அன்று பெண்கள் வீட்டு வேலைகள் அனைத்தையும் சளைக்காமல்
செய்துவிட்டு தனது ரப்பின் கடமைகளையும் நிறைவேற்றினார்கள். அதிகாலையிலேயே
எழுந்து தஹஜ்ஜத் சுப்ஹு தொழுதுவிட்டு வீட்டுவேலைகளைக் கவனித்தார்கள். இன்று பெண்கள் இரவு முழுதும் டிவி சீரியல்களில் மூழ்கி இரவுகளை வீணாக்கி சுப்ஹு
தொழுகையைக்கூட தவறவிட்டு காலை எட்டு மணிக்கு எழும் பரிதாப நிலை.
நடுவர் அவர்களே ! இன்று செல்வத்தின் அவசியத்தை அனைவருமே புரிந்து வைத்திருக்கிறோம். காசில்லாமல் காரியம் நடக்காது. அதனால்தான் அருமையாக பாடினான் ஒரு கவிஞன்: காசேதான் கடவுளடா.. அந்த கடவுளுக்கும் அது தெரியுமடா. காசைக் கடவுளென்று நான் சொல்லவில்லை. ஆனால் காசுதான் காரியங்களை சாதித்துக்கொண்டிருக்கிறது.
பணம் பாதாளம் வரைக்கும் பாயும்
பணம் எதையும் சாதிக்கும்
பணம் என்றால் பொணம் கூட வாய பொளக்கும்.
நான் ஒரு பெரியவரிடம் கேட்டேன் : உங்களுக்கு மொத்தம் எத்தனை பிள்ளைகள் என்று? அதற்குஅவர் சொன்னார்:'' எனக்கு மொத்தம் 3 son.'' ''அப்படியா... அதுல உங்களுக்கு சோறு போடுறது எந்த son ? அவர் சொன்னார் :' பென்சன்'. ஆக பெற்ற பிள்ளைகள் மூன்று பேரும் அவருக்கு உதவல. அவர் வாங்குற பென்சன் தான் உதவுது.
''மணி இஸ் குட் சர்வெண்ட்'' -ஆங்கிலப் பழமொழி. பணம் என்பது மனிதனுக்கு சேவை செய்யும் சிறந்த பணியாளன்''
படிப்பு மட்டும் போதுமென்றால் நான் கேட்கிறேன்: இன்று எத்தனையோ பட்டதாரிகள் வேலையில்லாமல் வெட்டியாக அலைந்து கொண்டிருக்கிறார்களே என்ன காரணம்? அனால் பலபேர் பணத்தை வாரி இறைத்து பதவிகளில்கூட அமர்ந்துவிடுகிறார்கள். பணக்காரனைப் பார்த்து உலகமே அஞ்சுகிறது; கவுரவிக்கிறது. எந்த வாசலாக இருந்தாலும் பணக்காரனைக் கண்டால் படாரென திறந்துவிடுகிறது. அவனுடைய புன்சிரிப்பைக் காண எத்தனையோ முகங்கள் ஏங்கி நிற்கின்றன. அவனுடைய கனப்பு சப்தம் கேட்டவுடன் எத்தனையோ இதயங்கள் நடுங்குகின்றன. எத்தனையோ கால்கள் தானாகவே எழுந்துவிடுகின்றன.எத்தனையோ கைகள் தானாகவே வணக்கம் போடுகின்றன. வந்தனம் செலுத்துகின்றன.
நம் வாழ்க்கையில் ஒவ்வொரு கட்டத்திலும் பணம் தேவைப் படுகிறது.
மனைவி மக்களைப் பட்டினி போடாமல் காப்பாற்றுவதற்கு.
உற்றார் உறவினருக்கு உதவுவதற்கு .
மஸ்ஜிதுகள் மதரஸாக்கள் கட்டுவதற்கு.
மராமத்துகள் பார்ப்பதற்கு.
வறுமையில் வாடுவோருக்கு வட்டியில்லா கடன் வழங்கி வளமாக வாழ வைப்பதற்கு.
இப்படி வரிசையாக அடுக்கிக் கொண்டே போகலாம்... செல்வத்தின் அவசியத்தை !
வழங்கும் கை உயர்ந்த கை ; வாங்கும் கை தாழ்ந்த கை!
